Հայդուկ ջոկատի կամավորականները Արցախ աշխարհում շարունակում են հայրենիքի պաշտպանի և սահմանապահի սրբազան առաքելությունը, լծակցելով Հայոց բանակի կանոնավոր զորամիավորումների աշխատանքին և երդվյալ ազատամարտիկի նման կանգնելով ժամկետային զինծառայողների կողքին։ Մենք անում ենք ամենայն հնարավորը մեր բանակին աջակցելու համար։ Մենք անում ենք ամեն բան, որպեսզի մեր զորքի կարիքները լինեն ինքնաբավ, ինչը իրականություն է դառնում միայն մեր աջակից բարերարների տրամադրած օգնության շնորհիվ։ Հայդուկ ջոկատն իր խորհին շնորհակալությունն է հայտնում Գերմանիայի Համբուրգ քաղաքի հայ համայնքի ներկայացուցիչներին, ովքեր կարողացան կարճ ժամանակահատվածում համախմբվել, ինքնակազմակերպվել և իրենց օգնությունը ցույց տալ Հայդուկներին։ Աջակցության համար շնորհակալություն ենք նաև Հայդուկ ջոկատի անդամ, վիրավոր Վարդանի որդուն՝ Վահանին։
Աստված պահապան բոլորիս։
