Lragir.info –ի «Բլից հարցեր» շարքի հերթական զրուցակիցը դերասանուհի Անուշկա Մարգարյանն է։
— Միտք, որ առաջինն է ծագում արթնանալիս — Այսօր էլ ապրել այնպես, որ քնելիս գլուխս հանգիստ դնեմ բարձին
— Ինչի՞ց եք վախենում — Վախենում եմ վախենալուց (ժպտում է)
— Ինչի՞ մասին երբեք չեք բարձրաձայնի — Իրավիճակից է կախված
— Ձեր ամենատարօրինակ սովորությունը — Անիմաստ պանիկայի մեջ ընկնելը
— Հարց, որից խուսափում եք — Ե՞րբ ես ամուսնանալու
— Մարմնավորած կերպար, որ հոգեհարազատ է ձեզ — Իմ բոլոր կերպարներն էլ հոգեհարազատ են եղել ինձ, ավելի շատ Կարմենի կերպարն եմ սիրել
— Դեպք, որի մասին երբեք չեք մոռանում — Չէի ուզի խոսել այդ մասին
— 3 ֆիլմ, որ խորհուրդ կտաք դիտել — Зеленая миля, PK, Kafe de flore
— Համաձա՞յն եք «Մեծամասնությունը ճիշտ է» կարծիքի հետ — Ճիշտ ու սխալ ինձ համար գոյություն չունի, կա կարծիք, որը ամեն մեկի համար իրենն է
— Աշխարհահռչակ դերասան, ո՞ւմ հետ կցանկանայիք խաղալ գլխավոր դեր — Ում հետ էլ խաղամ մեծ հաջողություն կլինի (ժպտում է), չեմ կարող առանձնացնել որևէ մեկին
— Ծիծաղելի իրավիճակ որում հայտնվել եք — Երբ մի աղջիկ լայն ժպիտով մոտեցավ ինձ, և թվում էր հիմա պետք է լավ խոսքեր ասեր, ասեց․ «Վա՜յ, գիտեք իմ տատիկը ամեն օր քանի անգամ է ձեզ թաղում ֆիլմը դիտելիս»
— Հանգստի լավագույն ձևը — Ծովափնյա, ամեն ինչից ու ամենքից կտրված
— Ձեր կյանքի կարգախոսը — Վարվիր մարդկանց հետ այնպես, ինչպես կուզեիր քեզ հետ վարվեին
— Մարդ, ով գիտի ձեր բոլոր գաղտնիքները — Ես, ինքս
— Հարց, որ մշտապես տալիս եք ինքներդ ձեզ — Ո՞վ ես դու, որտեղի՞ց ես եկել, և ինչի՞ համար
Սոնա Գիշյան