«Ռոմայի» գլխավոր տնօրեն Գվիդո Ֆիենգան մեկնաբանել է հարձակողական ոճի կիսապաշտպան Հենրիխ Մխիթարյանի՝ ակումբում ելույթները շարունակելու փաստը:
«Մենք ուրախ ենք, որ Հենրիխը որոշել է մնալ մեզ հետ և օգնել մեզ շարունակելու աճել:
Ակումբի նպատակները չեն փոխվել, և մենք միշտ ցանկանում ենք այստեղ տեսնել Միկիի պես ֆուտբոլիստների, որոնք ցուցադրում են իրենց ցանկությունը, պրոֆեսիոնալիզմն ու վճռականությունը, և որոնք ճիշտ ճանապարհով են ներկայացնում մեր ակումբն ու մեր երկրպագուներին:
Ես հուսով եմ՝ Միկին երկար կմնա «Ռոմայում»: Ուզում եմ նրան շնորհավորել նաև որդի ունենալու կապակցությամբ, որն այստեղ է լույս աշխարհ եկել», - Ֆիենգայի խոսքերը մեջբերում է «Ռոմայի» պաշտոնական կայքը:
Մխիթարյան․ «Ուզում ենք՝ «Ռոման» լինի թոփ-ակումբ, ունենա հաղթանակներ և նվաճի տիտղոսներ»
