Ռեֆորմիստների կուսակցության նախաֆգահ վահան Բաբայանն իր ֆեյսբուքյան էջում գրում է. «Նախկինի ստվերի հետ կռիվ տալուց բացի իշխանությունը այլ գործ այդպես էլ չարեց
Արդեն երկու տարի է Փաշինյանի իշխանությունը զբաղված է նախկին «թալանչիների» հետ կռիվ տալով և գործնականում երկրում չի կարողանում իրականացնել բարեփոխումներ:
Պատճառները շատ են, ի սկզբանե թավշյա կառավարությունը չի ունեցել ոչ ծրագիր, ոչ կադրային բազա, ոչ էլ փորձ նրանք ունեցել են միայն պոպուլիստ ղեկավար ում մի պահ հաջողվեց մոլորեցնել մարդկանց և հանել փողոց:
Հիմա տպավորություն է, որ մեր երկիրը այլևս այլ խնդիր չունի օրակարգում և բոլոր մեր խնդիրները լուծված են, բայց մեր երկիրը շատ խնդիրներ ունի և այդ խնդիրները գնալով ավելանալու են իսկ լուծողը ոչ հայհոյող ֆեյքերն են, ոչ անիծող կանայք, ոչ էլ սամասուդների և «կոռումպացված» նախկին ռեժիմի մասին օրը 24 ժամ խոսող վարչապետը:
Ով՞ է լուծելու ներդրումների, աշխատատեղերի հարցը, ով՞է զբաղվելու հայ-ռուսական հարաբերությունների վերականգման գործով, ով՞ է ապահովելու երկրի ներքին և արտաքին խաղաղությունը, ով՞է իրականացնելու գործարար միջավայրի պաշտպանությունը, հարկային նոր քաղաքականությունը, տուրիզմի ոլորտը անկումից դուրս բերումը և մի շարք այլ հարցեր, որոնք կենսական են և ոչ հուզական:
Սրանք հարցեր են, որի պատասխանը չունի և իշխանությունը և դեռևս չունի նաև հասարակությունը»: