Տևական ժամանակ է Աբովյանի N1 արհեստագործական պետական ուսումնարանում մեկնարկել է «Հեռավար ուսուցում» համակարգում ուսուցիչների և արտադրական ուսուցման վարպետների համար «ՏՀՏ գործիքների կիրառմամբ գիտելիքների առցանց ստուգում և գնահատում» հեռավար դասընթացը։
Արտակարգ իրավիճակով պայմանավորված ուսումնական գործընթացի հեռավար ձևով կազմակերպման համար կարևոր այս դասընթացը համակարգում են ուսումնարանի տնօրեն Մամիկոն Շահբազյանը, տնօրենի տեղակալ Սերգեյ Խաչատրյանը, ուսումնարանի աշխատակից Օվսաննա Չափարյանը:
Հեռավար ուսուցման աշխատանքները լուսաբանում է ուսումնարանի աշխատակից, հմուտ լրագրող Նորիկ Քեշիշյանը։
-Հեռավար դասընթացի նպատակն առցանց գործիքների կիրառման միջոցով գիտելիքների ստուգման ու գնահատման գործընթացն առավել դյուրին դարձնելն է, -ասում է ուսումնարանի տնօրեն Մամիկոն Շահբազյանը և հավելում որ «ՏՀՏ գործիքների միջոցով գիտելիքների ստուգման և գնահատման առցանց հնարավորությունները, կախված դասի տեսակից և ընտրված մեթոդից, ուսումնական գործընթացը դարձնում են առավել հետաքրքիր և արդյունավետ, ինչն էլ խթանում է դասավանդողների և սովորողների համատեղ գործունեության արդյունավետ զարգացմանը»:
