Վրաստանում կորոնավիրուսից մահացել է 81-ամյա կին՝ երկրորդ պացիենտը, հայտարարել է Թբիլիսիի Առաջին համալսարանական հիվանդանոցի ղեկավար Լեւան Ռատիանին, հաղորդում է Sputnik-Գրուզիա-ն։
«Երեկ ես ասել եմ ձեզ, որ մեկ պացիենտի վիճակը ծայրահեղ ծանր էր։ Կնոջ վիճակը, որին մարտի 3-ին տեղափոխել էին Թբիլիսիի ծովային հոսպիտալից, գնահատվում էր որպես կրիտիկական եւ կյանքի հետ անհամատեղելի», -ասել է Ռատիանին։
Նրա խոսքով՝ հիվանդը տառապում էր մի շարք սուր եւ քրոնիկական հիվանդություններով, ինչը դարձրել է սիմպտոմատիկ բուժումն անարդյունավետ։
«Իրականացվել է անհրաժեշտ բուժում, սակայն այն ապարդյուն էր, եւ, ցավոք, ստիպված եմ հայտնել կենսաբանական մահվան մասին», -ասել է Ռատիանին։
Նախօրեին մահացել է կորոնավիրուսով վարակված կին, որն ուներ քրոնիկական հիվանդություններ։
Վրաստանում հաստատված է կորոնավիրուսով վարակման 170 դեպք, մահացել է երկու մարդ, ապաքինվել՝ 36 պացիենտ։
