Աշխատավարձին անգլիացիները «salary» են անվանում, իտալացիները, իսպանացիները և պորտուգալացիները՝
«salario», իսկ ֆրանսիացիները՝ «salaire»:
Դժվար չէ նկատել, որ այս եզրույթներն իրար շատ են նման, իսկ ես կհավելեմ, որ դրանց արմատը լատիներեն «salarum» եզրույթն է, որը նույնպես «աշխատավարձ» է նշանակում:
Հիմա ամենահետաքրքրականը. «salarum» -ը ծագել է լատիներեն «sal» եզրույթից, որն «աղ» է նշանակում: Պարզաբանեմ, թե ինչ կապ ունի աշխատավարձն աղի հետ: Ինչպես աշխարհի շատ երկրներում, այնպես էլ Հռոմեական կայսրությունում աղը մեծ արժեք է ունեցել: Հռոմեացի զինվորները գանձել են որոշակի քանակության աղ, հետո աղին փոխարինել է փողը: Այդ աղը եղել է նրանց աշխատավարձը կամ «salarum» -ը՝ աղ գնելու փողը:
