Durun lütfen yüklemiyor...

Makaleler

Կոչով դիմում ենք ազգային, հոգևոր և ընտանեկան արժեհամակարգի պաշտպան բոլոր անձանց և կազմակերպություններին

03:18, cuma, 06 aralık, 2019
Կոչով դիմում ենք ազգային, հոգևոր և ընտանեկան արժեհամակարգի պաշտպան բոլոր անձանց և կազմակերպություններին
     Մի շարք մտահոգ կազմակերպությունների նախաձեռնությամբ՝ Հայաստանը ևս միանում է ընտանիքի պաշտպանության համաշխարհային շարժմանը՝ «Հանուն հավատի, հանուն ընտանիքի, հանուն հայրենիքի» կարգախոսով։
     2019 թվականի դեկտեմբերի 6-ին, ժամը 15։00-ին Հյուսիսային պողոտայի սկզբնամասից (Օպերայի հարևանությամբ) մեկնարկելու է հանրահավաք-երթ՝ Հանրապետության հրապարակ, Շահումյանի հրապարակ, Եվրոպայի խորհրդի գրասենյակ (Վազգեն Սարգսյան 26/1, «Էրեբունի պլազա» բիզնես կենտրոն) ուղղությամբ։ Միջոցառման ընթացքում կհնչեն կարգախոսներ և ելույթներ։
    
     Այսօր ականատես ենք լինում, թե ինչ իրավական և քարոզչական գործընթացներ են տեղի ունենում արևմտյան շատ երկրներում․ Եվրոպայի և արևմտյան այլ երկրների քրիստոնյա ժողովուրդներին պարտադրում են օրենքներ, որոնք դեմ են ազգային, ավանդական, քրիստոնեական արժեհամակարգին, ընտանեկան ինստիտուտին և ուղղված են այդ ինստիտուտի ոչնչացմանը, այլ՝ անբարո, այլասերված «արժեքների» ձևավորմանը։ Միասեռականությունը անարգել քարոզվում է ամենուրեք, այդ թվում երեխաների շրջանում, իսկ այդ քարոզը դատապարտողներին և դրա դեմ ընդվզողներին ենթարկում են իրավական պատասխանատվության։ Երեխաների և նրանց ծնողների իրավունքները զանգվածային կերպով խախտվում են, երբ շահույթ ստանալու նպատակով երեխաներին բռնի ուժով խլում են ծնողներից և տեղափոխում ապաստարաններ։
     Այդ երևույթների դեմ պայքարի նպատակով 2019 թվականի դեկտեմբերի 7-ին աշխարհի 10-ից ավելի երկրներում տեղի են ունենալու միջոցառումներ՝ ի պաշտպանություն ավանդական ընտանիքի և ընտանեկան արժեքների։
     Վերոհիշյալ վտանգավոր գործընթացներից չի խուսափել նաև Հայաստանը, որտեղ միասեռականության քարոզի դրսևորումները գնալով ավելի ու ավելի ագրեսիվ են դառնում, իսկ ընտանիքի ինստիտուտի դեմ քարոզչական և իրավական գործընթացները մտել են եզրափակիչ փուլ։
    
     Կոչով դիմում ենք ազգային, հոգևոր և ընտանեկան արժեհամակարգի պաշտպան բոլոր անձանց և կազմակերպություններին՝ դեկտեմբերի 6-ին միանալ երթին Հայաստանին պարտադրվող գործընթացներին դիմակայելու և սպառնալիքները չեզոքացնելու նպատակով։
    
     Միջազգային այս ակցիաների նախաձեռնողներից ու կազմակերպիչներից է ստամբուլյան կոնվենցիան մերժած Բուլղարիան։
     https://www.facebook.com/groups/344827183050805?view=permalink&id=518790792321109
To promote the post
Makaleyi yayınlamağı hakkında bilgiler veriyoruz, Basın sekreteri. Basın sekreteri projenin içinde
Abone ol ve malalelerin yayınla:
Beğenmek
0
Beğenmemek
0
| | |
1380 | 0 | 0
Facebook