Հայաստանում, ըստ առասպելի, քրիստոնեություն տարածած Բարդուղիմեոս առաքյալի խորհրդանշանը նրա նահատակության գործիքն է՝ մսագործի դանակը: Մսագործի դանակով են Բարդուղիմեոսի կաշին քերթել: Առասպելն ասում է, թե այս առաքյալին մորթազերծ անողները մաշկը նրա ձեռքն են տվել կամ ուսերին են գցել: Ահա թե ինչու նրան պատկերել են իր իսկ մաշկն ուսերին գցած, իսկ ձեռքին՝ այն դանակը, որով մաշկել են իրեն: :
Կրոնական արյունահեղության պատմական խորհրդանիշ է համարվում «Բարդուղիմեոսյան գիշեր» -ը, որի ժամանակ կաթոլիկ ֆրանսիացիները միայն Փարիզում շուրջ երկու հազար բողոքական ֆրանսիացի են սպանել: Դա տեղի է ունեցել 1572 թվականի օգոստոսի 24-ին: