ArmSport-ին հավաստի աղբյուրներից հայտնի է դարձել, որ այսօր՝ հոկտեմբերի 17-ին, Արմեն Գյուլբուդաղյանցը մարզչական շտաբի հետ միասին ՀՖՖ-ում հանդիպում է ունեցել ֆեդերացիայի նախագահ Արթուր Վանեցյանի հետ:
Ըստ մեր աղբյուրների՝ Գյուլբուդաղյանցը հրաժարական է ներկայացրել. Դա եղել է մարզչի որոշումը, այլ ոչ թե ՀՖՖ-ի պահանջը:
Վանեցյանը վստահություն է հայտնել մարզչին և հայտնել, որ վերջինս աշխատանքից ազատված չէ, սակայն Գյուլբուդաղյանցը չի փոխել որոշումը:
ՀՖՖ-ի մամուլի ծառայությունից ArmSport-ի հարցմանն ի պատասխան հայտնեցին, որ ժամը 19: 20-ի դրությամբ հրաժարականի դիմում չի եղել և տեղեկությունը չի համապատասխանում իրականությանը:
Արմեն Գյուլբուդաղյանցը Հայաստանի ազգային թիմի մարզչական ղեկին է 2018 թվականի հոկտեմբերից:
