Durun lütfen yüklemiyor...

Makaleler

Սիրուհիների տաղանդի պտուղները հմտորեն յուրացրած աշխարհահռչակ գրողը

22:15, çarşamba, 18 eylül, 2019
Սիրուհիների տաղանդի պտուղները հմտորեն յուրացրած աշխարհահռչակ գրողը

Ընդունված է գերմանացի նշանավոր դրամատուրգ, բանաստեղծ, արձակագիր, թատերական գործիչ, արվեստի տեսաբան Բերթոլդ Բրեխտին (1898 – 1956 թթ.) ժամանակակից թատրոնի հիմնադիրներից մեկն համարել: Բայց արդյո՞ք իր բոլոր ստեղծագործությունները նա ինքն է գրել:


    

Բրեխտի կենսագրությունն ու ստեղծագործություններն ավելի քան երեսուն տարի ուսումնասիրած ամերիկացի գիտնական Ջոն Ֆուեջիի համոզմամբ՝ գերմանացի նշանավոր դրամատուրգը, ըստ էության, ինչնակոչ խաբեբա է եղել: Ըստ այս գիտնականի՝ Բրեխտն իր ստեղծագործություններից գրեթե ոչ մեկն ինքը չի գրել, այլ յուրացրել է իր քարտուղարուհիների տաղանդի պտուղները: Այդ յուրացման համար քարտուղարուհիները երբևէ նրա դեմ չեն ըմբոստացել, որովհետև եղել են նրա սիրուհիները:

Մեկ ուրիշ անախորժ փաստ այս գրողի մասին. պարզվում է, անցյալ դարի 30-ական թվականներին ապագա բոցաշունչ հակաֆաշիստ ու Լենինի գաղափարների հավատարիմ նվիրյալ Բրեխտը ոչ միայն երբևէ չի դատապարտել նացիստներին, այլև իր եղբորը խորհուրդ է տվել Հիտլերի կուսակցությանն անդամագրվել:

Բրեխտի մասին 848 էջից բաղկացած իր գիրքը գրելու ընթացքում Ֆյուեջին զրուցել է Գերմանիայի Դեմոկրատական Հանրապետության ու Խորհրդային Միության՝ Բրեխտի հետ մտերիմ հարաբերություններ ունեցող հարյուրավոր քաղաքացիների հետ: Նա զրուցել է դրամատուգի այրու և քարտուղարուհիների հետ, ուսումնասիրել է Բեռլինի և այլ արխիվներում գտնվող հազարավոր փաստաթղթեր: Բացի այդ, նրան թույլատրել են ուսումնասիրել Բրեխտի՝ Հարվարդի համալսարանի արխիվում պահպանվող ձեռագրերն ու նրան վերաբերող այլ փաստաթղթեր:

Բազմամյա հետազոտություններն ամերիկացի գիտնականին հնարավորություն են ընձեռել եզրակացնելու, որ «Ալաբամայի երգերը» ստեղծագործության հեղինակը Էլիզաբեթ Հաուպտմանն է՝ Բրեխտի գրական քարտուղարուհիներից մեկը: Այս նույն քարտուղարուհին է հեղինակել նաև «Երեքգրոշանոց օպերան» և «Սեզուանցի բարի մարդը» դրամաների ամբողջական մասեր: Էլիզաբեթ Հաուպտմանը գիտնականին ասել է, որ ինքն է Բրեխտին ծանոթացրել ճապոնացի ու չինացի դասական ստեղծագործությունների հետ, որոնք դրամատուրգն օգտագործել է իր գործերում:

Ստեղծագործական աշխատանքում Բրեխտին մեծապես օգնել են Մարգարետ Սթեֆին և Ռութ Բերլաուն:

Մի բան, սակայն, անուրանալի է. Բրեխտը կարողացել է այնպես կազմակերպել իր սիրուհիների աշխատանքը, որ արդյունքը նշանակալի լինի ու առավելագույնս ծառայի իր համբավի աճին:

To promote the post
Makaleyi yayınlamağı hakkında bilgiler veriyoruz, Basın sekreteri. Basın sekreteri projenin içinde
Abone ol ve malalelerin yayınla:
Beğenmek
0
Beğenmemek
0
| | |
3368 | 0 | 0
Facebook
COMMENT.am