Durun lütfen yüklemiyor...

Makaleler

Դարմանադարան. բուժիչ պատրաստուկներ

23:03, cumartesi, 14 eylül, 2019
Դարմանադարան. բուժիչ պատրաստուկներ

Մազաթափության դեմ

Մազարմատներն օրական 1 -2 անգամ շփեք սոխի հյութով, կերեք չիչխան ու առանց սահմանափակման խմեք չիչխանի մատղաշ ճյուղերից պատրասված եփուկ:

Անցանկալի մազերի հեռացում

Անցանկալի մազերից ազատվելու համար մաշկի մազոտ հատվածները կանաչ ընկույզի հյութով 2 – 3 անգամ շփեք: Նույն հատվածները կարելի է նաև շփել գայլընկույզի (դուրման) եփուկով (150 գրամին` մեկ լիտր ջուր):

Աղային կուտակումներ

Կարող եք լիովին բուժվել, եթե ջրի ու թեյի փոխարեն, տևական ժամանակ և առանց սահմանափակման խմեք հապալասի տերևներից պատրաստված թուրմ:

Լսողության թուլացում

Լսողության բարելավման համար օրական ¼ կիտրոն կերեք (կեղևի հետ միասին): Մեկ շաբաթ անց ձեր լսողությունը նկատելիորեն կբարելավվի:

Ստամոքսի ցավեր ու կարկամներ (սպազմ)

Որպես ցավազրկող` խմեք ճահճային անմեռուկի թուրմ: Թուրմը պատրաստեք մեկ բաժակ ջրում 30 գրամ անմեռուկ եփելով: Խմեք ուտելուց առաջ, մեկական ճաշի գդալ, օրական 4 – 5 անգամ:

Թրոմբոֆլեբիտ

Քնելուց առաջ ճահճային անմեռուկի տաք վաննա ընդունեք: Օգնում է յասամանի թարմ տերևը. Այն պետք է դնել գոյացած թրոմբի վրա:

Զկռտոց

Այս դեպքում պետք է մեկ բաժակ ջուր խմել, բայց ո'չ սովորական ձևով, այլ բաժակի հակադիր եզրից` պարանոցը ձգելով առաջ ու գլուխն այնպես կռացնելով, որպեսզի բաժակի մերձակա եզրը հենվի ծնոտի ստորին հատվածին:

Եթե քթից ուժեղ արնահոսություն է սկսվել, հարկավոր է ձախ ձեռքի միջնամատը (եղունգի ստորին ծայրը) թելով մի քանի անգամ պինդ ճնշել, և արնահոսությունը կդադարի: Հենց այդ հատվածում է գտնվում արյան շրջանառության ուղու ակտիվ կետը:

Կոկորդոմ ձկան փուշ է ցցվել

Այն կարելի է հեռացնել մեղրամոմով: Մոմի մի ծայրը կրակով փափկացվում է ու արագ սեղմվում փշի ծայրին: Մի քանի վայրկյան անց մոմը պաղում է, ձկան փուշն ամուր կպչում է մոմին ու հեշտությամբ դուրս է գալիս:

Շատ խմելուն հաջորդած օրը մարդու գլուխն ուժեղ ցավում է, ստամոքսում գարշելի վիճակ է և այլն…

Մեկ բաժակ ջրին ավելացրեք անանուխի (դաղձի) սպիրտի 20 կաթիլ ու մեկ շնչով խմեք: 1 – 2 րոպե անց նախոր օրվա հարբեցողողության բոլոր բացասական հետևանքները կանհետանան:

Անհայտ ծագման գլխացավի դեպքում առավոտյան և երեկոյան մեկ րոպե գլուխը մինչև 20 աստիճան ջրի տակ պահել (կարելի է նաև ցնցուղ ընդունել):

Յասամանի թարմ տերևները 5 – 7 րոպե դնել գլի ցավող մասին: Նույն գործողությունը կարելի է անել նաև կաղամբի թփով (բուժման կուրսը` 10 օր):

Օրական երեք անգամ ուտել 200 – 300 գրամ թարմ ելակ (բուժման կուրսը` 5 – 7 օր):

Աջ ձեռքը ճակատին այնպես դնել, որ ճկույթը զուգահեռվի հոնքին ու հպվի դրան, իսկ ձախ ձեռքը դնել ծոծրակին. Ծոծրակի ու ափի միջև պետք է «օդային բարձիկ» թողնել: 5 – 7 րոպե անց ցավը կանհետանա:

Ուտելուց կես ժամ առաջ հում կարտոֆիլի 50 գրամ հյութ խմել (բուժման կուրսը` 10 օր է):

Մեկ բաժակ սոխի հյութին խառնել մեկ բաժակ մեղր և օրական ճաշի մեկ գդալ ուտել (օրական 3 անգամ, սնվելուց կես ժամ առաջ): Բուժման տևողությունը մեկ ամիս է: Այս պատրաստուկն առավել արդյունավետ է աթերոսկլերոզի (զարկերակների ներքին պատերի ճարպակալում և կրակալում) դեպքում:

Թութքի (գեմորոյ) դեպքում հում կարտոֆիլի մոմիկներ մտցրեք հետանցքը: Օգնում է նաև հում կարտոֆիլի քերուկին (կտորով փաթաթված) 20 – 30 րոպե նստելը:

To promote the post
Makaleyi yayınlamağı hakkında bilgiler veriyoruz, Basın sekreteri. Basın sekreteri projenin içinde
Abone ol ve malalelerin yayınla:
Beğenmek
0
Beğenmemek
0
| | |
2652 | 0 | 0
Facebook
COMMENT.am