Ամեն օր ես ֆեյսբուքում հանդիպում եմ մարդկանց հայհոյող, սպառնացող և վիրավորող ֆեյք պրոֆիլների և պարզում, որ նրանց հետ ունեմ մոտ 40-ից 80 ընդհանուր ընկերներ: Սա նշանակում է, որ պետք է լինենք ավելի զգույշ և ընկերության հայտ չընդունեք ամեն մեկից: Այդ մարդիկ կարող է վաղն էլ ձեզ հայհոյեն ու վիրավորեն, կամ քաշեն ձեր անձնական լուսանկարներն ու տվյալները և օգտագործեն ինչ-որ վատ նպատակով:
Եղեք ավելի զգոն և ավելի լուրջ վերաբերվեք ձեր համացանցային գործողություններին: Ստուգեք ձեր ընկերների ցանկը և հեռացրեք կասկածելի էջերն ու ֆեյքերին:
Ֆեյսբուքում լայն տարածում են ստանում նաև կեղծ «լրատվակայքերը» որոնք սենսացիոն վերնագրերով գերում են մարդկանց և հավաքում դիտումներ ու հավանումներ, իսկ չարագործներին պետք եկած պահին՝ ատելության քարոզ են տարածում որոշ մարդկանց, կամ երևույթների նկատմամբ, կամ վարկաբեկում են Բանակը, Արցախը, սերմանում թշնամանք....:
Պահպանե՜ք ձեր և ձեր մտերիմների անձնական կյանքը, պաշտպանե՜ք ձեր անձնական կյանքի տեղեկությունները, ձեր համացանցային միջավայրը, ձեզ և ձեր մտերիմներին մի՜ դարձրեք ստի, կեղծիքի, ապատեղեկատվության և ատելության քարոզի թիրախ:
Մի՜ կիսեք, մի՜ մեկնաբանեք անհայտ ծագման «լրատվակայքերի» նյութերը:
