Durun lütfen yüklemiyor...
COMMENT.am

Makaleler

Հայաստանում առաջին անգամ տեղի կունենա Gastronomic Camp Armenia արտագնա միջոցառումը. գաստրոտուրիզմի էպիկենտրոն է ընտրվել Կոտայքի մարզը

23:58, cuma, 14 haziran, 2019
Հայաստանում առաջին անգամ տեղի կունենա Gastronomic Camp Armenia արտագնա միջոցառումը. գաստրոտուրիզմի էպիկենտրոն է ընտրվել Կոտայքի մարզը

Հունիսի 19-ից 22-ը Հայաստանում առաջին անգամ տեղի կունենա Gastronomic Camp Armenia արտագնա միջոցառումը։

Որպես գաստրոտուրիզմի էպիկենտրոն ընտրվել է հենց Կոտայքի մարզը:

Միջոցառումն անցկացվում է Կոտայքի մարզպետ Ռոմանոս Պետրոսյանի և մարզպետարանի գործուն աջակցությամբ:

Այն անցկացվելու է Աղվերանում. միայն 2 օր՝ հունիսի 21-ին և 22-ին, Աղվերանի Best Resort Aghveran Hotel-ի բացօթյա Pop-up ռեստորանում շեֆ-խոհարարների միջազգային խումբը կմատուցի Կոտայքի մարզին նվիրված ընթրիքներ, որոնք կպատրաստվեն տարածաշրջանին հատուկ մթերքներից: Երեկոյի հյուրերը կնստեն մեկ մեծ սեղանի շուրջ և նախապես չեն իմանա մենյուն, բացառությամբ թեմայից՝ միս կամ ձուկ:

Կազմակերպիչները նշում են, որ Gastro Camp-ն անցկացվելու է տարին երկու անգամ՝ յուրաքանչյուր անգամ Հայաստանի նոր տարածաշրջանում:
     Ծրագրի հիմնական նպատակը հանրապետության որեւէ մարզում գաստրոնոմիական արշավ կազմակերպելն է՝ ավանդական կերակրատեսակների, ավանդույթների, բաղադրատոմսերի, խոհարարարկան գաղտնիքների բացահայտման համար:

Հայ խոհարարները կպատրաստեն՝ համագործակցելով տարբեր երկրներից հրավիրված խոհարարների հետ:

Հունիսի 19-ին խոհարարների թիմը կմեկնի Կոտայքի մարզ՝ փնտրելու նոր համեր:

Հունիսի 21-ին եւ 22-ին մասնագետների եւ բոլոր նրանց համար, ովքեր ցանկանում են հաղորդակցվել ոլորտի հետ եւ ձեռք բերել նոր գիտելիքներ, տեղի կունենա ճամբարի կրթական եւ ժամանցային մասը։

Հրավիրված փորձագետներն են Ponomarev Chef` s Academy-ի սեփականատեր Սերգեյ Պոնոմարյովը (Ուկրաինա), SOE ռեստորանի շեֆ-խոհարար եւ Bocuse d` Or Europe-ում Էստոնիայի ներկայացուցիչ Պավել Գուրյանովը, Աննա Ելովիկովան` Հյուսիսային Կովկասի ռեստորատորների եւ հյուրանոցատերերի նախագահ, Rational AG-ի բրենդ-շեֆ Ալեքսեյ Գլուշենկոն։

Ծրագրի գլխավոր գործընկերն է Հայաստանում մասնագիտացված խոհանոցային սարքավորումների առաջատար մատակարար The Horeca LLC-ն։ Պաշտոնական գործընկերն ու միջոցառման հարթակը Best Resort Aghveran հյուրանոցն է։
     GastroCamp Armenia-ի գործընկերն է Hospitality Management Group-ը, որը միավորում է Charles, Salon Armenian, DOC Therapy Bar, Kilikia Beer House եւ Claude Monet ռեստորանները:

Գաստրոնոմիական արշավի գործընկերն է Nairian ընկերությունը։
    
    
     kotayk.mtad.am

To promote the post
Makaleyi yayınlamağı hakkında bilgiler veriyoruz, Basın sekreteri. Basın sekreteri projenin içinde
Abone ol ve malalelerin yayınla:
Beğenmek
0
Beğenmemek
0
| | |
741 | 0 | 0
Facebook