Համայն հայությունն ապրիլի 24–ին նշում է 1915 թ.–ին Օսմանյան կայսրությունում տեղի ունեցած Հայոց ցեղասպանության 104–րդ տարելիցը։
Ամեն տարի՝ ապրիլի 24-ին, Երևանից, Հայաստանի մարզերից և արտերկրից հարյուր հազարավոր մարդիկ ծաղիկներ են դնում Ցեղասպանության զոհերի հիշատակը հավերժացնող Ծիծեռնակաբերդի հուշահամալիրին՝ հիշատակելով Օսմանյան Թուրքիայում 1915-1923 թթ. բոլոր զոհվածներին։
ՙՔանի դեռ մենք՝ ՀԱՅերս կանք, երբեք չի փակվի 1915 թվականի Հայոց ցեղասպանության էջը՚. Ահա այս խորագրով հիշողության դաս անցկացվեց Աբովյանի N1 արհեստագործական պետական ուսումնարանում։
ՈՒսանողները համակ ուշադրությամբ մասնակցեցին ուսումնարանի հայոց լեզվի և գրականության ուսուցչուհի Նաիրուհի Տոնեյանի կազմակերպած հիշողության դասին, արտասանեցին Մեծ Եղեռնին նվիրված բանաստեղծություններ, երգեցին ռազմա-հայրենասիրական երգեր:
