Ռեժիսոր, դերասան, դերի մեծ վարպետ
Ո՞վ է դերասանը: Դերասանը նա է, ով ցանկացած իրավիճակում հանդիսատեսին և հեռուստադիտողին պահում է հաճելի լարվածության մեջ, հետաքրքրաշարժ հայացքը՝ դեմքին և սրտի անհուն թրթիռը՝ յուրաքանչյուրի կրծքի տակ, որ մտածի՝ «Հետո՞ ինչ է լինելու… Հետո՞… Հետո՞…»: Իսկ Ռեժիսո՞րը… Նա պիտի կարողանա ճիշտ ղեկավարել, կառավարել յուրաքանչյուր դեր և կերպար, որից հետո՛ դերասանը պիտի կարողանա կերտել այդ կերպարը, այն լինի դրական, թե բացասական: Դերասանի՝ լավ դերասանի համար լավ դեր կամ վատ դեր հասկացություններ չպետք է լինեն: Նա պիտի կարողանա իրեն դրսևորել, սիրվել, դիտորդին իրեն գամել, այսպես ասած, և՛ «լավ դեր» -ում, և՛ «վատ դեր» -ում: Շատ երկար կարելի է խոսել լավ ռեժիսոր և լավ դերասան հասկացությունների մասին: Սակայն շատ երկար խոսելու փոխարեն ես այդ կերպարը կընդհանրացնեմ և հավաքական կդարձնեմ մի անվան մեջ՝ ՏԻԳՐԱՆ ԶՈՒՌՆԱՋՅԱՆ: Տիգրանը 1997-2007 թթ-ին սովորել և ավարտել է Գյումրու Մովսես Խորենացու անվան թիվ 37 միջնակարգ Դպրոցը: -Դպրոցական տարիներին մանկական աշխույժ, ժիր իմ ոջով աչքի էի ընկել և երբ միջոցառում էր լինում՝ ուսուցիչնեերի հույսը, այսպես ասած, ես էի: Օրինակ հիշում եմ՝ «Անուշ» պիեսի մեջ ութերոդ դասարանում մարմնավորեցի Մոսիի կերպարը: Բացի դերերից եղել եմ հաղորդավար, ասմունքող և տարբեր միջոառումների ակտիվ մասնակից: 2007-2011 թթ-ին սովորել է Երևանի «Թատրոնի և կինոյի» պետական ինստիտուտի դերասանական բաժինը և ավարտել բակալավրի աստիճանով: -Ուսանողական տարիներն ամենահիշարժանն են իմ կյանքում, քանզի և՛ անհոգ էին համարվում, և՛ սկիզբն էր իմ դերասանական կարիերայի: Այդ տարիներին կերտել եմ դերեր, որոնցից են Նար-Դոսի «Նեղ օրերից մեկը», որտեղ հանդես եմ եկել ուստա Սաքոյի գլխավոր կերպարում, ապա Հովհ. Թումանյանի «Նեսոյի քարաբաղանիսը», որտեղ կերտել եմ գյուղացու՝ Նեսոյի ընկերոջ կերպարը և այլ դերեր: 2011-2013 թթ-ին ՀՀ. ԶՈւ-ում անցել է ժամկետային ծառայության: 2014-2016 թթ-ին սովորել է Երևանի «Թատրոնի և կինոյի» պետական ինստիտուտի ռեժիսուրական բաժինը և ավարտել է մագիստրոսի աստիճանով։ -2015 թ.-ին կազմակերպվել է գրական երաժշտական հուշ-երեկո նվիրված 1915 թ.-ի հայոց ցեղասպանության 100 ամյակին, որի մեջ ակտիվ մասնակցություն եմ ունեցել նաև ես: Այդ հուշ-երեկոն կրում էր «Թղթապանակ 1915 թ.» խորագիրը, որտեղ հանդես եմ եկել դպիրի դերում: -Ձեր կարծիքով լավ դերասանը կամ ռեժիսորը պե՞տք է լինի հոգեբան: Հոգեբանությունն ի՞նչ դեր է կատարում դերասանի կյանքում՝ որպես դերի վարպետ: -Պիտի հասկանալ դերի, կերպարի հոգեբանական կոնցեպցիան, որպեսզի կարողանաս յուրաքնչյուր կերպարի մեջ ճիշտ մտնել, այն իրական ներկայացնել և ընկալելի դարձնել նրա գաղափարական խաղը հանդիսատեսի համար: Ես գտնում եմ, որ ռեժիսորը նախ և առաջ պետք է լինի մեծ դերաասան, դերի մեծ վարպետ: Պետք է լինի նաև մեծ հոգեբան, որ կարողանա տվյալ պիեսը կամ սցենարը և նրա գաղափարական ամբողջականությունը հասկանալի, ընդունելի ներկայացնել դերասանին, ապա հանդիսատեսին: 2010-2011 թթ-ին Գյումրու օրվան նվիրված տոնական համերգին մասնակցություն է ցուցաբերել երաժշտական կատարումով: -Որպես հոբբի ես սիրում եմ երգել և զբաղվել երգով: Հաճախ եմ երգում, երբ տանը մենակ եմ լինում: Իմ սուբյեկտիվ կարծիքով ցանկալի է և հաճելի, որ դերասանը նաև երգել իմանա, ապա և պարի հարկ եղած դեպքում: 2013-2015 թթ-ին ստեղծել է «Հուսո փարոս» թատերական ստուդիան ՀՀ. վաստակավոր գործիչ Սիրանուշ Ղուկասյանի հետ։ Բեմադրել է ներկայացումներ; -Այս մասին խոսել եմ Եղեռնի 100 ամյակին նվիրված միջոցառման իմ խոսքում: -8.11.2015 թ.-ին «Հումոր-հումոր» կատակերգական ներկայացման մեջ հանդես եմ եկել գլխավոր դերով։ Խաղացել ենք Շիրակի մարզի քաղաքներում և գյուղերում՝ Գյումրիում, Ախուրյանում, Արթիկում, Մարալիկում, Քեթիում, Մայիսյանում, Ազատանում։ 2016-2017 թթ-ին Աշխատել է Գյումրու «Իմպրոռիթմ» վարժարանում՝ թատերական խմբի ղեկավար։ -Բեմադրել եմ «Պատիվ ունեմ», «Կորցրածը» և այլ ներկայացուներ: Ձեզ տեսնու՞մ եք մանկավարժի ասպարեզում: -Ինձ շատերն են ասել, որ ես լավ մանկավարժ կլինեմ, բայց, անկեղծ ասած, ես ինձ չեմ տեսնում այդ ասպարեզում, ինձ բեմն է ձգում և կինոն: Դուք հանդես եք եկել և՛ կինոյում, և՛ թատրոնի բեմերին: Ի՞նչ տարբերություն կա նրանց միջև: -Ֆիլմը հնարավորութուն է տալիս առավել ճանաչված և սիրված լինել և լայն հորիզոններ բացել քո առաջ: Թատրոնն իմ համար նուրբ բառ է: Այն, ինչ անում ես և ինչ կերպար, որ կերտում ես՝ ոչինչ չի վրիպում կենդանի հանդիսատեսի աչքից: Թատրոնում, որպես կենդանի կերպար խաղացող, ավելի ես կատարելագործվում՝ քո կերտած կերպարի դրական կամ բացասական լինելու արձագանքը տեսնելով հանդիսատեսիդ վերաբերմունքիդ մեջ: 15.02.2016 թ.-ին որպես ռեժիսոր, հաղորդավար, կազմակերպել է «Սուրբ Սարգիս» սիրո տոնին նվիրված բարեգործական համերգ ներկայացում: - «Սուրբ Սարգիս» -ը երիտասարդների հովանավորն է, այն օգնում է սիրահար սրտերին միավորվելու: Երբ հավատդ մեծ է՝ ապա քեզ թվում է քեզ կօգնի «Սուրբ Սարգիս» -ը, իսկ եթե զուգադիպում է՝ ուրեմն ավելի են ոգևորվում, ուրախանում: 14.10.2017 թ.-ին, որպես ռեժիսոր, կազմակերպել է ապրիլյան պատերազմի անմահ հերոս տանկիստ Տիգրան Աբգարյանի ծննդյան 21 ամյակին նվիրված գրական հուշ-երեկոն և ինքն էլ հանդես եկել ասմունքով։ -Փա՛ռք մեր հերոսների հիշատակին: Այսօր մի ողջ ազգ ողջ է նրանց արյան գնով, նրանց զոհաբերած կյանքի շնորհիվ: Մՙեծ պատասխանատվությամբ եմ կազմակերպում և մասնակցում ցանկացած միջոցառում նվիրված մեր անմահ հերոսներին: 2015-2019 թթ-ին Նկարահանվել է մի շարք հեռուստասերիալներում և ֆիլմերում «Որոգայթ», «Սպանել 00: 15: 00: 00», «Փոխնակ մայր», «Թաքնված սեր», «Стрелок 3», «Отцы», «Սահմանին», «Հին Արքաներ», «Սիրո գին», «Վիրժառուի օրագիրը», «Vale» «Մահվան Ջոկատ»: Այս բոլոր դերերում էլ նա եղել է Էպիզոդիկ և գլխավոր կերպարներում, իսկ «Vale» ֆիլմում եղել է ոչ միայն գլխավոր կերպարում այլ նաև կատարել է երկրորդ ռեժիսորի դեր: Յուրաքանչյուր դեր նա խաղացել է յուրովի, երբ մտնում էր կերպարի մեջ՝ ընկնում էր ինքնամոռացության գիրկը և դառնում այդ կերպարի տերը: Նրա վերջին դերը եղել է «Մահվան Ջոկատ» հայկական հեռուստաերիալը, մի փոքր խոսեմ այդ մասին. Ֆիլմ, որը պատմում է այն մասին, թե ինչպես մարդկային իմունիտետ բարձրացնող դեղորայքը մարդկանց գլխին չարիք է դառնում և վերջիններիս դարձնում զոմբի... Երկիրը զոմբիներինն է... Ֆիլմ, որ մարդուն պահում է լարվածության ու սարսափի մեջ... -Հայկական հեռուստատարեգրության մեջ այս հեռուստասերիալը տարբերվում է իր բնույթով և տեսակով այլ նախագծերից, որ ես մասնակցել եմ: Երբ հրավեր ստացա սերիալում նկարահանվելու, խաղալու զոմբիի կերպար՝ դա միանշանակ տարբերվող էր մինչ այժմ խաղացած իմ դերերից, դրա համար սիրով Համաձայնվեցի: Կերպարը ներկայացնելու մեծ մոտիվացիա ու ներուժ կար, ապա պետք էր այն ճիշտ ներկայացնել հեռուստադիտողին: Եվ որքանով ես տեղյակ եմ ու տեսել եմ գրառումներ սոց. ցանցերում՝ կերպարս ստացվել է: Իմ խորին շնորհակալություններն իմ հեռուստադիտողին նման ընդունելության և ջերմության համար, որն իմ համար առավել, քան կարևոր է: Հեղինակել է մի քանի սցենարներ՝ «Լույսի շող», «Կորցրածը», «Դարբինը», «Անպատժելիները», ինչպես նաև նկարահանվել է տարբեր տեսահոլովակներում: Նման դերասանի մասին կարելի է անվերջ խոսել, նման ռեժիսորի հետ կարելի է անվերջ աշխատել և չհոգնել: Նրա խստապանջությունն այնքան նրբանկատ է, որ ոչ ոք չի զլանում կամ նեղանում նրա պահանջկոտությունից: Այլ մեղմ ժպիտոով փորձում են գոհացնել իրենց ռեժիսորին և արժանանալ նրա գովեստին: Մեր երիտասարդ ռեժիսորին և ավյունով լի դերասանին մաղթենք նորանոր թատերական բեմելներ, կինոյի նորանոր նկարահանումներ և աշխատանքային բեղմնավոր ուղի: ՏԻԳՐԱՆ ԱԲԳԱՐՅԱՆ-ի անվան մարտական ակումբի իրադարձությունների մեկնաբան, «Հայրենյաց Պաշտպան Ազատամարտիկների Միավորում» ՀԿ-ի հոգեբան, «Քառօրյա պատերազմ» խմբի կանոնավորիչ և Հ.Ա.Բ. Ռ/Հ/Կ Երիտասարդական թևի մամլո խոսնակ՝ ՄաՏիՆա Մարինե Մանուկյան |
Abone ol ve malalelerin yayınla: