Durun lütfen yüklemiyor...

Makaleler

Օպերայի շրջակայքը բիզնեսի աղբյուր է մի քանի օլիգարխիների համար. Որոշումն արդարացնող կետերի մասին

18:27, perşembe, 14 mart, 2019
Օպերայի շրջակայքը բիզնեսի աղբյուր է մի քանի օլիգարխիների համար. Որոշումն արդարացնող կետերի մասին

Երևանի քաղաքապետ Հայկ Մարությանի որոշմամբ Օպերայի շրջակայքն ազատագրվելու և վերադարձվելու է քաղաքին ու քաղաքացիներին։

Գաղտնիք չէ, որ այս տարածքները ժամանակին իրենցով են արել մի շարք օլիգարխներ: Օպերայի հարակից տարածքներում տասնյակ սրճարաններ ապամոնտաժվելու խնդրի առջև են կանգնած, ինչն առաջացրել է սրճարանների տերերի դժգոհությունը։ Սակայն նրանք մոռանում են, որ դա իրենց սեփականությունը չի և իրավունք չունեն տիրելու մի բանի, որը պատկանում է քաղաքին և քաղաքացիներին։

Մի կողմից ընկալելի է մարդկանց վրդովմունքը, բայց մյուս կողմից հասկանում ես, որ իրականում այս տարածքները որպես շահույթ հետապնդող տարածքներ են և եկամուտը գնում է օլիգարխների գրպանները, որոնք փողի կարիք բնավ չունեն։

Ինչ վերաբերում է աշխատողներին, ապա շատ սրճարաններ սեզոնային են աշխատում և բնականաբար ֆիքսված աշխատողներ չկան։ Այսինքն 4֊5 ամիս աշխատելուց հետո, աշխատողը չի նստելու տանը և սպասի հաջորդ տարի կրկին 4֊5 ամիս աշխատելու համար։ Բնականաբար նա փնտրելու է նոր աշխատանք։

Հիմնական աշխատողները ևս խնդիր չունեն։ Մատուցողի, խոհարարի համար աշխատանքները Հայաստանում շատ են։ Գտնելը խնդիր չէ, առավել ևս, աշխատանքային նման փորձով։

Սրճարանների տերերը հրահրելով մի քանի աշխատողների, էմոցիոնալ ֆոնի վրա փորձում են քաղաքացիներին շփոթմունքի մեջ գցել։ Նման գործողությունները համարվում են սադրիչ, որոնք նպատակ ունեն ցույց տալու, որ քաղաքապետարանի գործողությունները անօրինական են կամ քաղաքապետը լավ չի աշխատում և հարյուրավոր աշխատողների զրկում է աշխատանքից։

Ամեն ինչ կատարվում է օրինականության սահմաններում և Օպերայի տարածքն այլևս բիզնես կենտրոն չի լինելու։
Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
0
Beğenmemek
0
3416 | 0 | 0
Facebook