«Մոլորակի բնության բազմազանությունը ամբողջ մարդկության հարստությունն է»:
Կապանի N13 հիմնական դպրոցի IVա դասարանում տեղի ունեցավ բաց դաս «Ես և շրջակա աշխարհը» առարկայից: /Դասվար Լ.Խաչատրյան/
Առարկա՝ Ես և շրջակա աշխարհը
Թեմա՝ Երկրագնդի բնությունը /թեմայի ամփոփում/
Նպատակը՝ Աշակերտների բնապահպանական կրթության դաստիարակության, բնապահպանական մշակույթի ձևավորման, շրջակա միջավայրի նկատմամբ պատասխանատվություն, բնության նկատմամբ մշտական խնամքի անհրաժեշտությանն ուղղված գիտելիքների և վերաբերմունքի ձևավորում:
Դասի հիմնական խնդիրները՝
Երկիրը մարդկության ընդհանուր տունն է, գաղափարի ամրագրում, գիտակցում, Երկիր մոլորակի բազմազանությունը, մակերևույթի հիմնական ձևերը, մայրցամաքներ, օվկիանոսներ, գունավոր ծովեր, գետեր, լճեր: Պատկերացում տալ մթնոլորտի, այն կազմող գազերի, ջրի վիճակների, ջրի նշանակության, հողի, բույսերի ու կենդանիների, բնահամակարգերի փոխադարձ կապի ու փոխկախվածության մասին:
Դաստիարակչական՝
1. Թիմում աշխատելու կարողությունների դաստիարակում
2. Համերաշխության, հասկացության ըմբռնում
3. Բնապահպանական դաստիարակություն
Պահպանենք ու վերահսկենք մեր շրջակա միջավայրը, չէ՞ որ հենց այստեղ է սկսվում ու վերջանում մարդկային գիտակցությունը:
ՄԿԱ գծով փոխտնօրեն Ժաննա Վարդանյան
