Մեկ սիրեկան ունեցող կինը հրեշտակ է:
Երկու սիրեկան ունեցող կինը հրեշ է:
Երեք սիրեկան ունեցող կինը կին է:
Տղամարդիկ որսում են մեղավոր կանանց:
Ի դեպ.
Վիկտոր Հյուգոն ստեղծագործելիս լրիվ մերկացել է: Նա իր սպասավորին խնդրել է թաքցնել իր հագուստն այնքան ժամանակ, քանի դեռ սկսած ստեղծագործությունն ավարտին չի հասցրել: Այս կերպ նա ձերբազատվել է իրենից շատ ժամանակ խլող հետիոտն զբոսանքների ու բարեկամների հետ հանդիպելու գայթակղությունից:
Մի անհայտ բանաստեղծ չափածո նամակով դիմել էր Բելգիայի թագավորին՝ խնդրելով ներում շնորհել մահվան դատապարտված ինը հանցագործի, և բանաստեղծության տակ գրել էր Վիկտոր Հյուգոյի անունը: «Եթե խոսքը վերաբերում է մարդկային կյանքերի փրկությանը, ապա թող օգտագործվի իմ անունը», -գրել էր Հյուգոն բելգիացիներին ուղղված իր կոչում: Մահապարտների գործը վերանայվում է, և նրանց բոլորին տաժանակիր աշխատանքի են դատապարտում: