Պետք է գաղափարախոսական բազմակարծության լիարժեք երաշխավորում
Սահմանադրական բարեփոխումներն իրականացվեցին՝ ելնելով Հայաստանում իրավունքի գերակայության սկզբունքի իրացման, մարդու հիմնական իրավունքների և ազատությունների երաշխավորման սահմանադրական կառուցակարգերը կատարելագործելու, իշխանությունների լիարժեք հավասարակշռումն ապահովելու և հանրային կառավարման արդյունավետությունը բարձրացնելու անհրաժեշտությունից։
Սահմանադրական բարեփոխումները, որոնք միտված էին նաև գործադիր իշխանության համակարգային ամբողջականության երաշխավորմանը, քաղաքական մենիշխանության և պետական իշխանության գերանձնավորման հաղթահարմանը, հիմնավորեցին կառավարման խորհրդարանական համակարգի անցնելու անհրաժեշտությունը։
Այսօր Կ․ Դեմիրճյանի անվան մարզահամերգային համալիրում ՀՀ նորընտիր նախագահ Արմեն Սարգսյանը, աջ ձեռքը դնելով Վեհամոր Ավետարանի և ՀՀ Սահմանադրության մայր օրինակի վրա, երդվեց հավատարիմ լինել Հայաստանի Հանրապետության Սահմանադրությանը, իր լիազորություններն իրականացնելիս լինել անաչառ, առաջնորդվել միայն համապետական ու համազգային շահերով և իր ողջ ուժը ներդնել ազգային միասնության ամրապնդման գործում։
Հավատում եմ, որ խորհրդարանական համակարգի միջոցով մեր երկրում լիարժեքորեն կերաշխավորվի նաև գաղափարախոսական բազմակարծությունը և կուսակցությունները արդյունավետ կերպով կնպաստեն ժողովրդի քաղաքական կամքի ձևավորմանն ու արտահայտմանը։
#խորհրդարանականհամակարգ #սահմանադրություն #սահմանադրականբարեփոխումներ #կուսակցություն #գաղափարախոսություն