2017 թ. սկզբին՝ Ամանորին, Արմավիրի մարզի Գեղակերտ (Սամաղար) համայնքում ծնվել է մի աղջիկ, որին ծնողները կոչել են «Մերժվածը» հնդկական սերիալի գլխավոր հերոսուհու անունով՝ Իչակի: Aravot.am-ի հետ զրույցում երեխայի մայրը՝ Մալվինա Ավետիսյանը, նշել է, որ նման որոշում են կայացրել, քանի որ հավանել են այդ անունը:
«Դժվարանում էինք անվան ընտրության հարցում, այդ ժամանակ էլ նոր էր սկսվել «Մերժվածը»: Գլխավոր հերոսուհու անունը հավանեցինք, եւ հենց այդպես էլ որոշեցինք աղջկաս անունը», - ասել է նա:
Վերջին ժամանակներս հնդկական սերիալները մեծ պահանջարկ ունեն հայ հեռուստադիտողի շրջանում: Որոշ հեռուստաալիքներ նույնիսկ մեկից ավելի հնդկական սերիալներ են ցուցադրում: Հատկապես հայտնի են «Շանթ» հեռուստաընկերության «Մերժվածը», «Արմենիա TV» -ի «Ի՞նչ կոչել այս սերը» եւ «Թռիչք» սերիալները:
