Ամենայն հայոց բանաստեղծի ծննդյան օրը յուրահատուկ ձևով նշվեց ՀՀ Արմավիրի մարզի Ջանֆիդայի Է. Դաշտոյանի անվան միջնակարգ դպրոցում: 4-7-րդ դասարանների աշակերտները ներկայացրին Թումանյանի հեքիաթների բեմականացումներ, մանկական բանաստեղծություններ և պատառիկներ կենսագրությունից: Քանի որ «Թումանյանն է անհաս Արարատը մեր նոր քերթության», ուստի միջոցառումները ձգվեցին փետրվարի 19-ից մինչև Մայրենիի տոնը՝ 21-ը փետրվարի:
Հանդիսատեսը (տարրական դասարանների աշակերտները) սիրով դիտեց և մեծ ջերմությամբ դիմավորեց փոքրիկ դերասաններին: Իսկ տնօրինությունը գիրք նվիրելու օրվա կապակցությամբ դերասաններին նվիրեց գրքեր:
Միջոցառումը կազմկերպել էին դպրոցի հայոց լեզվի և գրականության, տարրական դասարանների մասնախմբերը՝ դպրոցի դաստիարակչական աշխատանքների կազմակերպիչ Ս. Գևորգյանի ղեկավարությամբ:
