Durun lütfen yüklemiyor...

Makaleler

Տոնդ շնորհավոր, ուսուցի՛չ

11:37, salı, 06 ekim, 2015
Տոնդ շնորհավոր, ուսուցի՛չ

Այսօր աշխարհի ավելի քան 100 երկրներում տոնում են Ուսուցչի օրը: Սա մի օր է, երբ ևս մեկ անգամ գնահատվում է ուսուցիչների` հայրենանվեր և անձնուրաց աշխատանքը: Իհարկե, «Քվանտ» վարժարանում տոնը նշվեց ըստ արժանվույն:

Օրը սկսվեց այս ուստարում վարժարանի անձնակազմին միացած ուսուցիչների երդման արարողությամբ. նրանք, ընտրելով մատաղ սերնդի կրթության և դաստիարակության չափազանց պատասխանատու և պատվաբեր ճանապարհը, հանդիսավոր երդվեցին պատվով կրել Ուսուցչի բարձր և վեհ կոչումը: Անկեղծորեն խոստովանեցին, որ էլ ավելի պարտավորեցնող է «Քվանտ» վարժարանի ուսուցիչ լինելը, ուսուցիչ, ով քվանտականին կրթում է ազգային ոգով, հայրենի սրբազան արժեքներով, նրա հոգում սերմանում ազնվություն, բարություն, հայրենասիրություն, մարդասիրություն, աշխատասիրություն և սեր գիտելիքի հանդեպ։

Օրվա խորհուրդն իրենց գեղեցիկ ու հուզիչ միջոցառմամբ ամբողջացրին տարրական դպրոցի սաները երաժշտության ուսուցչուհի Աննա Վիրաբյանի ղեկավարությամբ: Լուսավոր դահլիճում տաղանդաշատ քվանտականներն իրենց երաժշտական կատարումներով ողջունեցին ներկաներին, այնուհետև անչափ հուզիչ շնորհակալական խոսքեր ուղղեցին սիրելի ուսուցիչներին, ովքեր դարձել են իրենց հարազատ ընկերն ու բարեկամը: Երկրորդ դասարանցիների ելույթից հետո բեմ բարձրացան թոթովախոս առաջինդասարանցիները` անչափ արտիստիկ երգերով ու խոսքերով շնորհավորելով ուսուցիչներին: Փոքրիկների անկեղծ կատարումները հուզել էին թե' ուսուցիչներին և թե' ծնողներին. չէ՞ որ ընդամենը քսաներկու օր առաջ են նրանք ոտք դրել վարժարան, իսկ այսօր արդեն քվանտականին վայել պատասխանատվությամբ իրենց առաջին խոսքն են ուղղում ուսուցիչներին:

Տարվա մեջ ուսուցչի օրը մի յուրօրինակ առիթ է երախտագիտության ու շնորհակալության խոսքեր հայտնելու մեր ուսուցիչներին, գնահատելու և մեծարելու նրանց վաստակը սերունդներին կրթելու գործում:

Եվս մեկ անգամ՝ տոնդ շնորհվոր, ուսուցի'չ...

Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
0
Beğenmemek
0
19243 | 0 | 0
Facebook