Նորակերտի միջնակարգ դպրոցում տիրում էր տոնական բարձր տրամադրություն:
Առաջին դասարանցիները հրաժեշտ էին տալիս առաջին դասագրքին` Այբբենարանին, որը սովորեցրել էր կարդալ, գրել և հաստատուն ու ամուր քայլերով առաջ գնալ:
Սեպտեմբերյան թոթովախոս երեխաները գեղեցիկ կրթօջախի հարազատ դասարանում մաղթեցին հազար ու մի ողջույններից ամենաջերմը, հազար ու մի գարուններից ամենածաղկավետը և մանկության զարմանահրաշ մոլորակից պարգևեցին գարնանաբույր ջերմություն, անտառի ծով խշշոց, լուրթ երկնքի կապույտ լազուր և արևի պայծառ ջերմություն:
Հուզիչ մթնոլորտում հնչեցին սրտի խոսքեր, բանաստեղծություններ, ներկայացվեցին փոքրիկ բեմականացումներ, որոնք ընդմիջվում էին երգերով ու պարերով:
Մեր դպրոցի փոքրիկ արևները երդվեցին միշտ պայծառ պահել մայրենի լեզուն:
Դասվար` Ե. Աթարակալյան