Makaleler

Հայաստանի Հանրապետության և Իտալիայի տվյալների վերլուծությունն ըստ՝

1. Մեկ շնչին ընկնող ՀՆԱ-ի:

2. Քաղաքական ու քաղաքացիական ազատությունների:

3. Կոռուպցիայի ընկալման:

4. Օտարերկրյա Ուղղակի Ներդրումների:

1. Հայաստանի Հանրապետության և Իտալիայի ՀՆԱ-ի տվյալները համեմատելու և վերլուծելու համար դիտարկենք ՀՀ-ի և Իտալիայի ՀՆԱ-ի տվյալները 2000-2011 թթ. կտրվածքով: Ավելի պատկերավոր լինելու համար համապատասխան տվյալներով (Աղ.1) կազմենք գրաֆիկ և դիտարկենք ըստ գրաֆիկի:

ՀՆԱ-ն որոշվում է սպառման, համախառն ներդրումների, կառավարության ծախսերի, արտահանումների և ներմուծումների ցուցանիշներով:

Դիտարկելով գրաֆիկը կարող ենք եզրակացնել, որ թե ՀՀ-ում թե Իտալիայում նկատվում է աճի տենդենց: Սակայն վերջին 10 տարիների ընթացքում ՀՀ-ում աճի տեմպը՝ տոկոսային արտահայտությամբ, ավելի մեծ է եղել, քան Իտալիայում: Եթե համեմատենք կտեսնենք, որ 2000 թ.-ից սկսած ՀՀ-ում ՀՆԱ-ն աճել է 64%-ով, իսկ Իտալիայում ընդամենը 22.5%-ով:Դա պայմանավորված է վերջին տարիներին Իտալիայում գործազրկության աճով, ինչպես նաև քաղաքական և տնտեսական անկայունությամբ, իսկ ՀՀ-ում վերոնշյալ բոլոր ցուցանիշները հաստատուն կերպով աճում են, ուստի ՀՆԱ-ն նույնպես աճում է:

2. Վերլուծելով միջազգային զեկույցները և տվյալները տեսնւմ ենք, որ ըստ քաղաքական և քաղաքացիական ազատությունների ցուցանիշների ՀՀ-ն 2010 և 2011 թթ. տվյալներով համարվում է մասամբ ազատ, իսկ Իտալիան ըստ նույն ցուցանիշների համարվում է ազատ: Այստեղից հետևում է, որ Իտալիայում ժողովրդավարությունը և քաղաքական ազատությունը գտնվում են ավելի բարձր մակարդակի վրա, իսկ ՀՀ-ում ժողովրդավարությունը դեռ լիարժեք չի դրսևորվում և գտնվում է զարգացման փուլում:

3. Երկրներն ըստ կոռուպցիոն ընկալման համեմատելու համար ուսումնասիրենք երկրների 2004-2011թթ. կոռուպցիոն ընկալման ինդեքսներն ըստ TI-ի: Ըստ Աղ.2-ի տվյալների կազմենք գրաֆիկ և դիտարկենք ըստ գրաֆիկի: Ուսումնասիրելով գրաֆիկը տեսնում ենք, որ երկու երկրներում էլ նկատվում է նվազման տենդենց, սակայն Իտալիայում այն կրկնակի անգամ ակտիվ է՝ շնորհիվ ճիշտ հակակոռուպցիոն քազաքականության: ՀՀ-ում նույնպես կիրառվում է հակակոռուպցիոն քաղաքականություն, սակայն դեռևս արդյունքներն այդքան էլ գոհացուցիչ չեն:

Աղ. 2

4. Ըստ UNCTAD-ի 2007 թ.-ի տվյալների ՀՀ-ում Օտարերկրյա Ուղղակի Ներդրումները կազմել են 2.448 մլն. ԱՄՆ դոլլար, իսկ Իտալիայում ՝ 364.839 մլն. ԱՄՆ դոլլար: Դա պայմանավորված է նրանով, որ Իտալիան, լինելով զարգացած երկիր, ապահովում է ներդրումային բարենպաստ պայմաններ և ցածր ռիսկեր: ՀՀ-ն դեռ գտնվում է զարգացման փուլում, ուստի այս ոլորտում ռիսկային գործոնը մեծ է:

Հղումներ:

1. http://en.wikipedia.org/wiki/List_of_countries_by_GDP_

2. www.banker.am

3. http://en.wikipedia.org/wiki/Freedom_in_the_World

4. http://en.wikipedia.org/wiki/List_of_countries_by_corruption

5. http://en.wikipedia.org/wiki/List_of_countries_by_received_FDI