Միջազգային բակալավրիատի «Դիպլոմա» ծրագիր
Միջազգային բակալավրիատի ամենաբարձր ծրագիրը «Դիպլոմա» -ն է: Այն երկամյա ծրագիր է` նախատեսված 16-19 տարիքային խմբի համար: Ծրագիրն ավարտվում է երկրորդ տարվա վերջում` մայիս ամսին` Միջազգային բակալավրիատի կողմից իրականացվող քննություններով:
Ծրագրի գերագույն նպատակը համակողմանի ու բազմակողմանի զարգացած, ազգային ու համաշխարհային արժեքներին քաջածանոթ, դրանք կրող ու դրանցով առաջնորդվող վառ անհատականությունների ձևավորումն է: Դրան հասնելու համար օգտագործվում են տարբեր մեթոդներ: Ամեն բան արվում է աշակերտի աշխարհայացքիձևավորման, մտահորիզոնի ընդլայնման, վերլուծական մտածողության ձևավորման ու զարգացմանհամար:
«Դիպլոմա» ծրագրի հիմնական նպատակներից մեկն էլ այն է, որ աշակերտները կարողանանհամագործակցել խմբային աշխատանքի ժամանակ, ոչ միայն կարծիք հայտնեն, այլև կարողանանլսել ուրիշների ասածը, խմբի կարծիքը ներկայացնեն ու հիմնավորեն:
Թե՜ անհատական, թե՜ խմբային աշխատանքի ընթացքում ուսուցիչը ունի միայն ուղղորդող դեր: Այսինքն` ծրագիրը աշակերտակենտրոն է:
Դասերի ժամանակ մեծ կարևորություն է տրվում միջառարկայական կապերին: Տրված թեմաներըդիտարկվում են տարբեր հարթություններում, տարբեր տեսանկյուններից, տարբեր գիտություններիուսումնասիրության դիտակետից: Տարբեր առարկաների ծրագրերում ընդգրկված թեմաները, առկամոտեցումներն ու սկզբունքները, օգտագործված մեթոդներն ընտրված են այնպես, որ ծրագրիշրջանավարտներն արդեն պատրաստի հետազոտողներ ենդառնում, ինչն էլ չափազանց բարձր է գնահատվում աշխարհի առաջատար համալսարաններում:
Հենց այս ամենի շնորհիվ ՄԲ «Դիպլոմա» ծրագիրն ավարտած սովորողների ստացած ավարտական վկայականն ընդունելի էաշխարհի առաջատար համալսարաններում ու տալիս է կրթաթոստանալու հնարավորություններ: Բոլոր այդ համալսարանները միանշանակոր ընդունում են, որ ՄԲ «Դիպլոմա» ծրագրի բարդությունները հաղթահարած շրջանավարտները ունակ են հաղթահարելուհամալսարանական բարդ պահանջները շատ ավելի արագ ու ավելի հեշտ, քան ցանկացած այլհամակարգի շրջանավարտ:
Ծրագիրն ընդգրկում է առարկաների վեց խումբ, ինչպես նաև միջուկը կազմող բաժինները՝ընդլայնված ակնարկ (Extended Essay), իմացության տեսություն (TOK-theory of knowledge), ստեղծագործական աշխատանք, ֆիզիկական ակտիվություն, ծառայության մատուցում (CAS -creativity, action, service):
Շարունակելի...
