Վահագ Ռաշը բալլադային ռոք ստեղծագործություն է գրել։ Այս մասին զրուցել ենք երգչի հետ։
-Վահագ, շնորհավորում ենք «Լռե» -ի պրեմիերայի առթիվ: Ի՞նչն է ոգեշնչել այս բալլադային ռոք ստեղծագործությունը գրելու համար։
-Շնորհակալություն: «Լռե» -ն ծնվեց իմ մեջ այն զգացումների ֆոնին, որոնք կապված են սիրո ու ներքին լռության հետ: Երբեմն մարդու ներսում լռությունը խոսում է ավելի բարձր, քան խոսքերը, և այդ լռությունը լի է զգացմունքներով, հիշողություններով ու անավարտ պատմություններով: Սա այն է, ինչ ցանկացա արտահայտել այս երգով:
-Երգն ուղեկցվում է անիմացիոն տեսահոլովակով: Ինչո՞ւ ընտրեցիք հենց այս ֆորմատը, և ինչպիսի՞ էր համագործակցությունը Հայկ Սայադյանի հետ:
-Անիմացիան, հատկապես ձեռքով արված, ունի մոգական ազդեցություն: Հայկ Սայադյանը հիասքանչ կերպով փոխանցեց երգի էմոցիոնալ լարվածությունն ու սյուժետային գիծը: Մեր համագործակցությունը շատ ներդաշնակ էր. նա լսեց երգը, կլանեց նրա գաղափարը և իր արվեստի միջոցով «Լռե» -ն ներկայացրեց յուրօրինակ տեսանկյունից:
-Երգի խոսքերը գրել է Արթուր Սարգսյանը, իսկ երաժշտությունը՝ Դուք: Ինչպե՞ս եղավ այս համագործակցությունը:
-Արթուր Սարգսյանը տաղանդավոր բանաստեղծ է, ով կարողանում է գրի առնել զգացմունքների նրբությունը: Նրա խոսքերը հենց առաջին ընթերցումից ինձ հետ խոսեցին: Այնուհետև երաժշտությունը պարզապես եկավ ինքնըստինքյան, կարծես պատրաստ լիներ, միայն սպասում էր ճիշտ պահին:
-Ձեր ստեղծագործական թիմը նույնպես ուժեղ է՝ Կարեն Արզումանյանի գործիքավորումը և Սերգեյ Գասպարյանի ձայնային ռեժիսուրան: Ինչպե՞ս կգնահատեք նրանց ներդրումը:
-Առանց նրանց այս երգը չէր ունենա այն ամբողջականությունը, որը հիմա ունենք: Կարենը մեծ վարպետությամբ մուտք գործեց երգի ամեն մի նոտա, իսկ Սերգեյը հասցրեց այն կատարելության՝ ձայնի ամեն մանրուքը ներդաշնակ դարձնելով: Սա թիմային աշխատանքի լավագույն օրինակներից է:
-Վերջում կուզեի հարցնել՝ ի՞նչ սպասել Ձեր հանդիսատեսը մոտ ապագայում:
Ես միշտ աշխատում եմ նորություն բերել իմ լսարանին: Ունեմ մի քանի նոր նախագծեր, որոնց վրա հիմա աշխատում եմ: Իսկ մոտ ապագայում, իհարկե, կլինեն նաև համերգներ, որտեղ «Լռե» -ն կներկայացվի կենդանի կատարմամբ:
Շնորհակալություն հետաքրքիր զրույցի համար: Մաղթում ենք մեծ հաջողություններ «Լռե» -ի և Ձեր հետագա բոլոր նախաձեռնությունների համար:
-Շնորհակալություն: Հանդիսատեսի սերն ու աջակցությունը իմ աշխատանքի ամենամեծ պարգևն են:
