Կազանի օդանավակայանը իր պատմության մեջ ուղևորների թվով ռեկորդ է սահմանվել։ ՌԴ շրջանների բնակիչներն այսօր նախընտրում են շրջանցել մայրաքաղաքն ու, Մոսկվայի փոխարեն, թռչում են Կազանով:
2024 թվականի 9 ամիսների ընթացքում ուղևորահոսքը կազմել է 4, 14 միլիոն ուղևոր, ինչը 146 հազարով գերազանցում է 2023-ի նույն ժամանակահատվածի ցուցանիշը։ Այս մասին գրում է ռուսական РБК Թաթարստան կայքը։
Հաղորդագրության մեջ նշվում է, որ այս տարվա օգոստոսին օդանավակայան է ժամանել նոր ավիափոխադրող՝ «Հայկական ավիաուղիները» ՝ դեպի Երևան ուղիղ չվերթով։
«Թռիչքներն արդեն մեկնարկին ցույց տվեցին մեծ պահանջարկ և մեծ ծանրաբեռնվածություն։ Երթուղու վրա ակտիվորեն ձևավորվում է տուրիստական հոսք, որից օգտվում են նաև Հայաստանից Ռուսաստանի շրջաններ մեկնող ուղևորները», -նշվում է հոդվածում։
«Երևան-Կազան ուղիղ չվերթերի բացման որոշում կայացնելիս մենք ելնում էինք նրանից, որ Ռուսաստանի Դաշնության համար Հայաստանն այժմ դինամիկ զարգացող ներգնա տուրիզմի շուկա է։ Կազանից Երևան կանոնավոր չվերթը Թաթարստանից ժամանած զբոսաշրջիկներին պետք է լրացուցիչ հնարավորություններ ընձեռեր հարմարավետ ուղիղ թռիչքների համար դեպի», - հարցազրույցում նշել է «Հայկական ավիաուղիներ» -ի գործադիր տնօրեն Արարատ Սարգսյանը։
Կազանի օդանավակայանը այսօր թռիչքներ է իրականացնում 51 ներքին ուղղություններով։ Բացի այդ նաև Թաիլանդ, Մալայզիա, Ճապոնիա, Չինաստան և Կորեա՝ Շանհայից տարանցիկ չվերթով։
«Այստեղ կարելի է խոսել ինչպես ԱՊՀ երկրներ թռիչքների, այնպես էլ Կազանում հարմար տրանսֆերներով դեպի արևելք», - նշել է Կազանի օդանավակայանի գլխավոր տնօրեն Սերգեյ Ռոմանցովը։
Կազանի օդանավակայանի տվյալներով ամենապահանջված ուղղությունների ցանկը գլխավորում են Թուրքիան, ԱՄէ, Եգիպտոս։ Երևան ուղիղ չվերթի բացումից հետո արդեն հաջորդ տարի թվային պատկերը, հաշվի առնելով զբոսաշրջիկների հետաքրքրությունը, կփոխվի։
