Մերոնք՝ ընդօրինակելով ռուսներին, այս պտղի անունը «ավոկադո» են դրել, մինչդեռ եվրոպական բոլոր ժողովուրդների լեզուներում բառի վերջավորության «դ» և «ո» տառերը չկան: «Avocat» -ը ծնունդ է առել իսպաներեն «aguacate» եզրույթից, իսկ իսպանացիներն այդ եզրույթը ստեղծել են ութո-ացտեկյան լեզվաընտանիքին պատկանող «nahuatal» լեզվում գործածվող «ahuacatl» եզրույթի հենքի վրա: 1, 5 միլիոն բնակչություն ունեցող այս ցեղախումբը, որն ապրում է Կենտրոնական Ամերիկայում, պտղին հիշյալ անունը տալով՝ նկատի է ունեցել դրա արտաքին ու ներքին նմանությունը տղամարդու ամորձուն, մանավանդ, եթե երկու ավոկադոն իրար կողքի կախում ենք ծառի ճյուղից: «Avocat» -ը, ի դեպ, միակ բառը չէ, որ եվրոպացիները փոխառել են «nahuatal» լեզվից. Այդ լեզվից այլ լեզուների անցել են նաև «շոկոլադ» , «չիլի», «տոմատ» բառերը:
