Makaleler

Այս քաղաքն անվանափոխվել է Ֆրանսիական Մեծ հեղափոխության տարիներին, և անվանափոխելու դրդապատճառը եղել է հեղափոխականների ատելությունը ազնվականների ու բոլոր հարուստների նկատմամբ: Բանն այն է, որ Grenoble-ի երկրորդ մասնիկը՝ «noble» -ը ազնվական է նշանակում, իսկ ազնվականությունն այն ժամանակի Ֆրանսիայի ստորին խավերի շրջանում այնքան արգահատելի ու մերժելի է եղել, որ Գրենոբլի «նոբլ» -ը դեն է նետվել և դրա փոխարեն կցվել է «libre» («ազատ») բառը: Մոտավորապես տասը տարի քաղաքն անվանվել է Գրելիբրը (Grelibre), և Նապոլեոնն է, որ համարձակվել է անտեսել ազնվականներին ատող ազատասերներին ու վերականգնել քաղաքի նախկին անունը: