Գերմանիայում ֆաշիստական ռեժիմի հաստատման առաջին տարում մի հրեա սրճարանում հանդիպում է իր ծանոթ մեկ այլ հրեայի, որն ընթերցելիս է լինում հակասեմիտական «Der Stürmer» թերթը:
«Ո՞նց ես կարողանում կարդալ այդ սարսափելի թերթը», զայրույթով հարցնում է առաջին հրեան:
«Շա՛տ հանգիստ, - պատասխանում է թերթն ընթերցող հրեան: - Հրեական բոլոր թերթերում միայն վատ նորություններ են, ամենուրեք բռնաճնշումներ ու հակասեմիտիզմ…Մինչդեռ այս թերթը շարունակ գրում է, թե մենք ենք աշխարհի տերը և վերահսկում ենք բոլորին: Այսպիսի թերթի ընթերցումը շատ առողջարար է»:
***
Հայրը որդուն ասում է.
-Որդի՛ս, մի հանելուկ եմ ուզում քեզ առաջադրել: Ուրախ կլինեմ, եթե կարողանաս այն լուծել…Ի՞նչն է կանաչ, խոնավ, պատից կառչած և որը սուլում է:
-Չգիտե՛մ, հայրի՛կ:
Հայրն արձագանքում է.
-Դա տառեխն է:
-Տառե՞խը: Մի՞թե…Բայց տառեխը պատից չի կառչում:
-Եթե դու նրան մեխես պատին, - արձագանքում է հայրը, - նա կարող է պատից կառչած լինել:
-Բայց տառեխը, - ասում է տղան, ո՛չ կանաչ է, ոչ էլ խոնավ:
-Եթե դու այն կանաչ գույնով նկարես, կանաչ կլինի և քանի դեռ նկարը չի չորացել, խոնավ է, - պատասխանում է հայրը:
-Բայց այն չի կարող սուլել, - առարկում է որդին:
-Հանելուկի մեխը հենց սա՛ է…և դա նրա համար է, որպեսզի հանելուկի լուծումը շատ հեշտ չլինի:
***
Ռուսաստանի Ալեքսանդր 2-րդ կայսրի սպանությունից հետո կառավարության՝ Ուկրաինայում աշխատող մի ներկայացուցիչ սպառում է տեղի հրեական համայնքի հոգևոր առաջնորդներից մեկին՝ ռաբինին.
«Ես կարծում եմ, որ դու գիտես, թե ով է կանգնած այդ սպանության հետևում»:
«Ես չգիտեմ, - պատասխանում է ռաբինը, - ես ոչինչ չգիտեմ, բայց կառավարությունը ինչպես միշտ շուտով եզրակացնելու է, թե ովքեր են սպանողները. դրանք լինելու են հրեաներն ու ծխնելույզ մաքրողները»: Այս պատասխանը զարմացնում է կառավարության ներկայացուցչին, և նա հարցնում է.
«Իսկ ինչո՞ւ ծխնելույզ մաքրողները»:
Ռաբինը պատասխանում է. «Իսկ ինչո՞ւ հրեաները»: