Durun lütfen yüklemiyor...
Օդնոկլասնիկի

Makaleler

«Բերձորի միջանցքը» ներկայումս արցախահայությանը հուզող ամենամտահոգիչ հիմնահարցն է

19:26, pazartesi, 20 haziran, 2022
«Բերձորի միջանցքը» ներկայումս արցախահայությանը հուզող ամենամտահոգիչ հիմնահարցն է
    
Վերլուծելով հանրության շրջանում առկա մտավախությունները, բազմաթիվ հարցեր՝ պայմանավորված Արցախը մայր Հայաստանին կապող միակ ցամաքային այլընտրանքային (Բերձորի միջանցքը փոխարինող) ճանապարհի հետ, ինչպես նաեւ մամուլում տեղ գտած հրապարակումները, ադրբեջանական կողմի տարածած հայտարարությունները և Արցախի պաշտոնական մեկնաբանության բացակայությունը, անհրաժեշտություն է առաջացել անդրադառնալու տվյալ հիմնախնդրին: Ըստ այդմ, «ԳԵՆ» նախաձեռնությունների կենտրոնը գրավոր դիմել է Արցախի Հանրապետության համապատասխան պետական մարմիններին՝ խնդրելով հստակ պարզաբանել, թե՝
    
    
-Ճանապարհի մեր հատվածի կառուցումը ներկայումս ի՞նչ փուլում է, ե՞րբ է նախատեսվում հանձնել շահագործման և ո՞ր բնակավայրերով է անցնելու այն:
    
    
- «Բերձորի միջանցքով» են անցնում Արցախի համար կենսական, ռազմավարական նշանակություն ունեցող գազատարը, էլեկտրական հաղորդուղիները, հեռախոսակապը, ինտերնետ կապը: Ինչպե՞ս է ապահովվելու այս ենթակառուցվածքների անխափան գործունեությունը:
    
    
-Բերձորից բացի ո՞ր հարակից համայնքներն են արդյունքում հայտնվելու Ադրբեջանի վերահսկողության տակ:
    
    
-Ինչպիսի՞ տեխնիկական եւ անվտանգային պայմաններում է իրականացվելու այլընտրանքային ճանապարհի երթեւեկությունը, հերքվում են արդյո՞ք խոսակցություններն այն մասին, որ այնտեղ տեղադրվելու է ադրբեջանական անցակետ:
    
    
Արցախի Հանրապետության յուրաքանչյուր քաղաքացի իրավունք ունի տեղյակ լինելու իրականացվող գործընթացներին և կարևորագույն հարցերի լուծման ոչ թափանցիկ գործելաոճն արցախահայության հանդեպ անընդունելի է:
Kaynak: Facebook
Bu gönderiyi tanıtın
Makaleyi yayınlamağı hakkında bilgiler veriyoruz Basın sekreteri. Basın sekreteri projenin içinde.
Abone ol ve malalelerin yayınla:
Beğenmek
0
Beğenmemek
0
| | |
796 | 0 | 0
Facebook