Makaleler

Երբ պարսից արքա Քսերքսեսը վիթխարի զորաբանակով (առնվազն 200 հազար զինվոր) մ.թ.ա. 480 թվականին հարձակվել է Հունաստանի վրա, աթենական ժողովրդավարության «հիմնադիր հայրեր» -ից մեկը, Հունա-պարսկական պատերազմների ժամանակաշրջանի հռչակավոր զորահրամանատար, արքոնտես և ստրատեգոս Թեմիստոկլեսը, լավ ճանաչելով էությամբ վախկոտ ու չափազանց շահամոլ քաղաքական գործիչ, ամբոխավար Էպիկրիդեսին, որն այդ վտանգավոր ժամանակաշրջանում ցանկացել է ստրատեգոս ընտրվել, նրան փողով կաշառել է, որպեսզի նա հրաժարվի այդ մտադրությունից և իր թեկնածությունը չառաջադրի հիշյալ պաշտոնում: Թեմիստոկլեսն համոզված է եղել, որ եթե Էպիկրիդեսը ստրատեգոս ընտրվի, ապա կկործանի Աթենքը: