1950 թվականի նոյեմբերի 13-ին սպանվել է Վենեսուելայի զինվորական խունտայի նախագահ Կարլոս Ռոման Դելգադո Չալբո Գոմեսը:
1948 թվականի նոյեմբերին իրականացված զինվորական հեղաշրջմամբ տապալելով Վենեսուելայի Նախագահ Ռամուլո Գալեգոսային, որի կառավարությունում Դելգադոն պաշտպանության նախարարի պաշտոնն էր զբաղեցրել, իշխանությանը բռնատիրածները, Դելգադոյի գլխավորությամբ, արձակել են Ազգային կոնգրեսը, չեղարկել են երկրի սահմանադրությունը և արգելել են ազատական կուսակցությունների գործունեությունը:
41-ամյա Դելգադոն երկար չի վայելել իր իշխանությունը: Նրան առևանգել և սպանել է ընդդիմադիր Ռաֆայել Ուրբինայի գլխավորած խումբը: Առևանգման և սպանության ոչ մի հանգամանք չի բացահայտվել, որովհետև առևանգման հաջորդ օրը Սիմոն Ուրբինային սպանել են: Ենթադրվում է, թե Դելգադոյին պաշտոնանկ է արել ու սպանել երկրի ռազմական ղեկավարությունում նրա հիմնական մրցակիցը՝ Մարկոս Պերես Խիմենեսը, որը Դելգադոյի սպանությունից հետո դարձել է պետության փաստական ղեկավարը, իսկ 1952 թվականի դեկտեմբերին՝ Վենեսուելայի ավտորիտար նախագահը:
