Ես փորձեցի քեզ սիրելով մաքուր մնալ,
Քո երկնքում՝ գյուտի նման՝ ինքնահնար,
Հորինեցի սիրո ուրիշ մի պատմություն,
Չիմացա, որ ցավն է միայն հազարագույն։
Ես փորձեցի քեզ պաշտելով երկրպագել,
Քո խորանում, աստղերի տակ, անդիմադիր,
Հնարեցի քո սրբերին, որ չեն պարել
Մահվան պարն իմ երկրի վրա կեղծ ու պատիր։
Ես փորձեցի քեզ գորովել, որ էլ չատեմ,
Սրտիդ կորը շոշափելով որ չհատեմ,
Ստինքներիդ բացն եմ հիմա մտաբերում,
Հաղարջակնի ճաքերն էլ են կաթոտ բուրում։