Այն ժամանակներում, երբ եվրոն դեռ չկար, ֆրանսուհի մայրը որդուն ասում է.
-Ռոբե՛ր, վերցրու այս երկու տասը ֆրանկանոց մանրադրամները: Մեկը քեզ համար է, եթե կուզենաս մի որևէ համեղ բան գնել, մյուսը՝ դպրոցի գանձանակի՝ ի սեր մեր տեր Հիսուս Քրիստոսի: Հասկացա՞ր: Դե գնա՛, թանկագի՛նս: Ուշադի՛ր եղիր, որ փողը չկորցնես:
Փոքրիկ Ռոբերը, երգելով, ցատկոտելով, գնում է դպրոց: Նա ոգևորված է դասընկերներին նորից տեսնելու ցանկությունից: Ճանապարհին տասը ֆրանկանոցները օդ է նետում ու բռնում: Բայց հանկարծ դրանցից մեկն ընկնում է ասֆալտին, գլորվում է ու հայտնվում կոյուղատարի դիտահորում:
Չկարողանալով փողը հանել, երեխան ինքն իրեն ասում է.
-Շա՜տ ափսոս, որ կորցրեցի հենց այն փողը, որը պիտի Հիսուսին հանձնեի:
