Չնայած հանգամանքին, որ բազմաթիվ մեդիափորձագետներ, ելնելով պատերազմական իրավիճակի հրամայականից, հորդորում են զերծ մնալ ապատեղեկատվական նյութեր տարածելու արատավոր երևույթից, այդուհանդերձ արձանագրենք, որ կան որոշները, ովքեր ականջալուր չեղան այդ հորդորներին և շարունակաբար իրենց սև գործն են անում: Բանն անգամ հասավ նրան, որ ԱԱԾ-ն հավելյալ հայտարարություն տարածեց այդ մասով և օրինագիծ մշակվեց, որի համաձայն տուգանքի չափ նշանակվեց՝ նման դեպքերի համար:
Այս ամենը սակայն չկանգնացրեց էությամբ խառնակիչ, ըստ որոշ տեղեկությունների ԱՄՆ հատուկ ծառայությունների կողմից հավաքագրված, ներկայիս ԱԺ պատգամավոր «շպիոնին», ով պարբերաբար, անգամ այս օրերին, իրեն պատկանող թերթի և կայքի միջոցով, տարատեսակ ցնդաբանություններ է տարածում՝ կոնկրետ նեղ անձնական շահի սպասարկման կամ կոնկրետ արտքաին ուժերի հրահանգով:
Նեղ անձնական նկրտումները շատ հաճախ արտահայտվում են քաղաքական խանդի տեսքով, երբ պարոն «շպիոնը», քաղաքականապես իմպոտենտ լինելով հանդերձ, կատարելապես մատնվել է անգործության, ժողովրդական լեզվով ասած «ձեռքից բան չի գալիս»: Եվ ըստ այդմ, օպոնենտ քաղաքական ուժերը, կամ գործիչները, ովքեր լայն թափով, լծվել են Հայրենքի պաշտպանության սուրբ գործին, հայտնվում են նրա թիրախում: Ապատեղեկատվություն տարածելու միջոցով, գործակալ-պատգամավորը, փորձում է գոնե այդկերպ կոմպեսացնել իր կողմից չարվածը, չէ որ այդ հսկայածավալ աշխատանքների ֆոնին, իր նմանը ուղղակի խղճուկ, բարոյալքված և հյուծված քաղաքական գործչի տպավորություն կթողնի և իր հովանավորների աչքերում, իր հետ կապված բոլոր պլանները, հօդս կցնդեն: Այդ՝ իր համար մահացու հարվածը կանխելու համար, գործակալ-պատգամավորը կերպարանափոխվել և դարձել է հասարակ կլյաուզնիկ և բամբասկոտ լրագրող և փորձում է այդկերպ փրկել իր խորտակվող վարկանիշը, որն ըստ էության չի էլ եղել:
Մի կարևոր դիտարկում...եթե այս ամենը, չի վրիպել մեր տեսադաշտից, ապա այն ըստ էության պետք է լինի նաև հատուկ ծառայությունների ուշադրության կենտրոնում, ովքեր այս օրերին պարտավոր են կանխել նման պառակտիչ դրսևորումները և էական չի թե, դրա հետևում ով է կանգնած, պատգամավոր, թե հասարակ խմբագիր, և կարևոր չէ, թե այդ ապատեղեկատվությունը վերաբերվում է իշխանությունը, թե օրինակ ընդդիմադիր ամենամեծ խմբակցությանը, գործել է պետք կտրուկ, անկողմնակալ և առանց վարանելու:
Իսկ այն քաղաքական ուժն ու գործիչը, ով ջանք ու եռանդ չի խնայում իր ազգի ու պետության համար, ով իր նյութական օգնությամբ, դիվանագիտական և անձնական կապերի միջոցով այս օրերին ահռելի աշխատանք է կատարում, վստահ եմ նման վայրահաչոցների վրա ուշադրություն չի էլ դարձնելու, ուղղակի երևույթն է տհաճ անգամ կողքից նայողի համար, այդ իսկ պատճառով րոպե առաջ պետք է կանխվի նմանօրինակ ապատեղեկատվական գործունեություն ծավալող խառնակչի ցանկացած դրսևորում: Հուսանք սպասեցնել չեն տա կոնկրետ գործողություններն այս մասով...