Հին հռոմեացիների դիցարանի կարևոր աստվածներից մեկը եղել է ջրերի, աղբյուրների և ցայտաղբյուրների հովանավոր աստվածը՝ Ֆոնտուսը (Ֆոնս): Նա, ըստ հռոմեական առասպելաբանության, եղել է հռոմեական գլխավոր աստվածներից մեկի՝ Յանուսի և աղբյուրների նիմֆա Յուտուրնայի որդին: Հեթանոսական ժամանակաշրջանի Հռոմում եղել է Ֆոնտուսին նվիրված տաճար և զոհասեղան: Ամեն տարվա հոկտեմբերի 13-ին Հռոմում տեղի է ունեցել «Ֆոնտանալիա» անվանված տոնակատարություն՝ ի փառս Ֆոնտուսի: Տոնակատարության ընթացքում աղբյուրներն ու ջրհորները զարդարել են ծաղկաշղթաներով և աղբյորների մեջ ծաղիներ են նետել:
Հետագայում Ֆոնտուս աստծու անունը «յուրացրել են» աղբյուրները, ցայտաղբյուրներն ու շատրվանները: Ֆոնտուսը ֆրանսերենում դարձել է «ֆոնտեն» հասարակ գոյական: Ֆրանսերենից ռուսերենին անցնելով՝ «ֆոնտեն» -ը դարձել է «ֆոնտան», բայց արտասանվում է «ֆանտան»:
