Lragir.info –ի «Բլից հարցեր» շարքի հերթական զրուցակիցը դերասան Լեռնիկ Հարությունյանն է։
— Օրը սկսում եք
— Օրս սկսվում է սուրճով և սիգարետով
— Թեմա, որի շուրջ անդադար կխոսեք
— Որևէ ստեղծագործության շուրջ քննարկում, օրինակ, «Կարամազով եղբայրներ» կամ Գաբրիել Գարսիա Մարկեսի «100 տարվա մենություն» ։
— Ու՞մ համար մշտապես ժամանակ ունեք
— Միանշանակ ժամանակ ունեմ ընտանիքիս համար
— Չեք սիրում երբ կինը․․․
— Չեմ սիրում, երբ կինը դուրս է գալիս կանացի նորմերից
— Երեք ֆիլմ, որ խորհուրդ կտաք դիտել
— Նավթ, 1917, Սերը ժանտախտի ժամանակ
— Խաշ ընկերների հետ թե՞ ռոմանտիկ ճաշկերույթ
— Խաշ ընկերների հետ
— Ձեր ընտանեկան ավանդույթը
— Ամեն կիրակի որևէ եկեղեցի գնալ և մոմ վառել
— Խաղացած կերպար, որ նման է ձեզ
— Խաղացել եմ 70 և ավել նախագծերում, ոչ մի կերպարի հետ ընդանուր ոչինչ չեմ գտել
— Հավաքածուներ ունե՞ք
— Հավաքածուներ չունեմ
— Ի՞նչ սպորտաձևով եք զբաղվել
— Երիտասարդ ժամանակ ծանրաձեղ
— Բոլոր ժամանակների մեծագույն հայը
— Մոնթե Մելքոնյան
— Խորհուրդ, որ կտայիք երիտասարդ տղաներին
— Երիտասարդներին խորհուրդ կտամ լինել տեղեկացված
— Սովորում եք ձե՞ր թե՞ ուրիշների սխալից
— Միշտ սովորում եմ իմ սխալներից, չնայած ուրիշի սխալներին էլ անտարբեր չեմ
— Հոլիվուդյան դերասանուհի ում հետ կցանկանայիք գլխավոր դեր մարմնավորել
— Հոլիվուդյան դերասանուհի՞․․․ կյանքում մտքովս չի անցել
— Հարց, որ մշտապես տալիս եք ինքներդ ձեզ
— Ո՞րն է իմ առաքելությունը
Սոնա Գիշյան