Статьи

    
    
    
    
    
    
    
    
    
    
    
    
     Շ Ա Խ Եւ Մ Ա Տ

    

Ամեն մեկս գեթ մեկ անգամ

Ինքներս մեզ հարց ենք տալիս,

Թե ինչու՞ ենք եկել աշխարհ

Եւ ի՞նչն է մեզ միշտ դուր գալիս:

    

Մեկն ուզում է միշտ արարել,

Մյուսն էլ քանդել ու ավիրել:

Ու ամեն օր չարն ու բարին

Ընտրություն են դարերից դար:

    

Ո՛րն ընտրում ես՝ այն դառնում է

Քո ողջ կյանքի նպատակը,

Դու դառնում ես հաստատակամ,

Նրան գերի՝ կամակատար:

    

Որ չլիներ չարն ու բարին,

Էլ մեկմեկու չէին խանգարի,

Էլ չէին լինի դատավորներ,

Էլ չէր լինի բանտ ու կալանք,

Քանի որ կա դրախտային կյանք:

    

Չեմ հասկանում, ո՞նց է լինում,

Ինչու՞ մարդիկ

Ամեն մեկը իրեն հերթին

Իր ուզածն է առաջ տանում,

Ինչի՞ց է, որ չեն կամենում

Չարը բարուց զանազանել:

    

Ես կասեի,

Ազատ կամքով ընտրությունը

Որոշում է մեր ապագան.

Մենք ինքներս հոժար կամքով

Թշնամի ենք դառնում իրար:

    

Երկու եղբայր թշնամացած,

Կայեն-Աբել ենք միշտ խաղում,

Խաղի վերջում դատավորը՝

Արդար Աստված

Հայտարարի է բերում մարդկանց,

Եւ հաշիվն է բացվում հանկարծ՝

Շախ և Մատ:

    

ԹԵՐԵԶԱ ՄԻՔԱԵԼՅԱՆ - 28.06.2020