Ռեֆորմիստների կուսակցության նախագահ Վահան Բաբայանն իր ֆեյսբուքյան էջում գրում է. «Մի՜ մոռացեք, թե ինչ ողորմելի ձևով էին «ախտահանում» Երևանի մետրոպոլիտենը: Երբ որ ամբողջ աշխարհը կորոնավիրուսի համաճարակին էր պատրաստվում, Հայաստանում սահմանադրական հանրաքվեի «այո-ոչ» -ի քարոզարշավ էին անում, իսկ վարչապետն ասում էր «Կորոնավիրուսն ում շունն ա: Կորոնավիրուսներին պինցետով հանելու ենք, տնական արաղով դեզինֆեկցիա անենք»:
Իսկ երբ ողջ քաղաքակիրթ աշխարհում ախտահանում էին մայրաքաղաքները, հասարակական տրանսպորտը, Հայաստանում ախտահանում էին «պզիկով» և լաթի կտորով: Իսկ այսօր Հայաստանը ողջ աշխարհում գրանցում է վարակակիրների ամենամեծ թվերը, իսկ նույն կառավարությունը՝ մեղքը գցում խեղճ ու կրակ քաղաքացիների վրա»: