Քարդաշյան քույրերը՝ Քիմը, Քլոեն եւ Քորթնին, մասնակցել են «Watch What Happens Live!» շոուին։ Հենց շոուի ընթացքում Քիմը հաստատել է տեղեկություններն այն մասին, որ չորրորդ անգամ մայր է դառնալու։ Նա խոստովանել է, որ ինքն է տարածել տեղեկությունը, քանի որ շատ է խմել սուրբծննդյան երեկույթի ընթացքում։
«Ես հարբել էի երեկույթի ընթացքում եւ որոշ մարդկանց պատմել էի դրա մասին։ Նույնիսկ չեմ հիշում՝ կոնկրետ ում», - անկեղծորեն պատմել է Քիմը՝ հավելելով, որ սովորաբար նման պահվածք հատուկ չէ իրեն։
Բացի այդ՝ Քիմ Քարդաշյանը շոուի ընթացքում պատասխանել է հարցին՝ ինչպես է երեխաներին պատմելու իր կյանքի սկանդալային պահերի մասին։ Խոսքը նախկին զուգընկերոջ՝ Ռեյ Ջեյի հետ սկանդալային տեսանյութերի մասին է։
«Ես դեռ չգիտեմ՝ ինչ կասեմ նրանց այդ մասին։ Նկատի ունեմ՝ ես գաղափար ունեմ եւ մտածում եմ, որ պարզապես սուպեր անկեղծ կլինեմ նրանց հետ։ Դա ամենն է, ինչ կարող եմ», - ասել է Քիմը։
Հիշեցնենք՝ 2007թ.-ին Քիմ Քարդաշյանը սեքս-սկանդալի մասնակից է դարձել։ Տանն արված տեսանյութերը, որոնցում պատկերված էին նրա ու ռեփեր Ռեյ Ջեյի ինտիմ ժամանցը, մինչ այժմ պտտվում է համացանցում։ Սկզբնական շրջանում աստղը հերքում էր դրա իսկությունը, սակայն հետագայում խոստովանել է «սխրագործությունները» ։ Ի դեպ, այդ ժամանակ տեղեկություններ էին պտտվում, որ տեսանյութը հանրության սեփականությունն էր դարձել Քիմի մոր՝ Քրիս Ջենների շնորհիվ՝ դստեր PR-ի նպատակով։
