Միշա Գալուստյանն իր ֆեյսբուքյան էջում գորւմ է. «Մյունխենյան ասուլիսը մեզ հասցրեց մի քանի կարևոր մեսիջ։ Ալիևը հստակ ձևակերպեց, որ ադրբեջանական կողմին բավարարող միակ պայմանը հողերի վերադարձն է կամ բանակցային ճանապարհով, կամ ռազմական։
Մենք ինտենսիվորեն պետք է պատրաստվենք պաշտպանելու մեր տարածքները։ Մեր համար սա իսկապես լինելու է գոյամարտ։ Ի տարբերություն արցախյան և ապրիլյան ազատամարտերի, հիմա մենք ունենք իշխանություն, որը ավելի շատ պաշտպանում է Ադրբեջանի շահերը, քան մերը։ Պետական գանձարանի փոշիացումը, հայ-ադրբեջանական եղբայրության քարոզը, բանակի վերնախավի հետապնդումները, երկրում տնտեսական և ազգամիջյան անկայունությունը բավականին թուլացնում են մեր դիրքերը։
Միաժամանակ Վրաստանի տարածքում կազմակերպվում են հայ-ադրբեջանական մերձեցման երեկոներ, դրանց մեջ ներգրավվում են մեծ թվով երիտասարդներ։ Ու դեռ հայտնի չէ, թե իրենց հեղափոխականներ հռչակած թավիշներն ու նրանց կողմնակիցները հնարավոր պատերազմի ժամանակ ում կողմից են կռվելու» ։
