Երազներիս դուռը առանց թակելո՜ւ,
Երազներիս դուռը բացե՜լ,
Նե՛րս ես մտել քայլերովդ անաղմուկ:
Գիտե՜ի, որ հմայիչ ես ու բարի՜,
Չգիտե՜ի, որ կարող ես հարություն տալ
Երազներիս տխրալի:
Չե՛նք հարմարվել, դեռ չե՛նք գտել մեզ կյանքում,
Տեղավորվենք գոնե միա՜յն
Գիշերային երազներիս աշխարհում:
Առավոտյան իմ երազից դու անձա՜յն,
Խաղա՜ղ, տխո՜ւր աչքերով,
Կհեռանա՛ս, կհեռանա՜ս համրաքայլ:
Ինձ կթողնես գիշերային երազով
Ինձ կլքե՜ս, կհեռանա՜ս
Քո ետևից լուսաբացը քարշ տալով:
Ես կմնամ երազների հույսերով
Ես կմնամ երազում քեզ սպասելով:
Ստեփան Ո