Идет загрузка...
Сегодня:  Понедельник, 14 Октября, 2019 года

Статьи

Տևականորեն կրկնվող մի ձայն

07:31, Пятница, 11 Октября, 2019 года
Տևականորեն կրկնվող մի ձայն

Տևականորեն կրկնվող մի ձայն,
     Բաժանահնչյուն լեզվից ածանցյալ,
     Ժամերգությանս կգա՞ս, աննման,
     Առանց քեզ նույնն է, թե առանց անցյալ։

Աշխարհի հետ եմ հաշիվը փակում,
     Դու բան հասկացա՞ր իմ այս բեմելից,
     Սիրտդ սրտիս հետ էլ չի կափկափում,
     Գանգս պայթում է ձեռքիդ հենելիս։

Քո կարեկցանքի դատարկ մախաղս
     Այծի մազից է, հյուսածո, կոպիտ,
     Ոչ կամային է այս դիմախաղս,
     Ոչի՞նչ, թե քիչ էլ հոգի տամ գոգիդ։

Продвижение этого поста

Нравится
0
Не нравится
0
| | |
402 | 0 | 0
Facebook
COMMENT.am