Идет загрузка...
Сегодня:  Вторник, 19 Марта, 2024 года

Статьи

Բարև՜ տղաս…

10:13, Среда, 02 Октября, 2019 года
Բարև՜ տղաս…
    
    

*

- Բարև տղա՜ս, բարև՜,

Կներես, որ այսպես ստացվեց,

Որ հիմա քո կողքին չեմ, գրկե՜մ, համբուրե՜մ:

Դու լա՞վ ես:

- Բարև, մա՛մ, լա՛վ եմ:

- Մի բան կերե՞լ ես:

- Այո՛, կերել եմ:

- Դպրոցում հո՞ չեն նեղացնում:

- Հայրիկից վախենում են:

- Հայրդ ի՞նչպես է, խորթ մա՞յրդ:

- Լա՛վ են, ի՞նչ կա:

- Կարոտե՜լ եմ, կերևա՞ս:

- Լավ մա՛մ, ժամանակ չկա՛…


    

*

- Բարև տղա՜ս, լա՞վ ես:

- Լա՛վ:

- Լսել եմ բժի՞շկ ես դառնալու,

Ինստիտուտում գործերդ լա՞վ են:

- Լա՛վ են, մամ:

- Հիվանդ չե՞ս, կարոտե՜լ եմ:

- Նորմա՛լ եմ, մամ:

- Հա՞յրդ

- Լա՛վ է, ի՞նչ կա:

- Կարոտե՜լ եմ, կերևա՞ս:

- Լավ մա՛մ, ժամանակ չկա՛…


    

*
     - Բարև տղա՜ս, շնորհավորո՜ւմ եմ,

Ապրե՛ս, որ հորդ անունն ես դրել:

Շատ կցանկանայի գրկել առաջնեկիդ:

Առո՞ղջ է:

- Հա՛, մամ, նորմա՛լ:

- Կի՞նդ, հա՞յրդ:

- Լա՛վ են:

- Մի բան կերե՞լ ես:
     Կարոտե՜լ եմ, կերևա՞ս:
     - Մա՛մ, աշխատանքի եմ, ժամանակ չկա՛:


    

*

Բարև սիրելի՜ս, գործերդ ի՞նչպես են,

Գիտե՜մ, դուստր ես ունեցել, աչքե՜րս քոռանան

Չտեսա թոռներիս:

Դու լա՞վ ես, այսօր մի բան կերե՞լ ես:

Այդպես էլ քեզ չտեսա,

Չսպասեցի,

Կներե՜ս…

- Բարև մա՜մ, չէ մի քիչ լավ չեմ, իսկ դու որտե՞ղ ես:

Ինձ Ների՜ր:

- Ե՞ս, ես երկնքում եմ արդեն,

Քեզ լա՜վ նայիր…


     Ս.Ումառ-Հարությունյան


    
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
3198 | 0 | 0
Facebook