Идет загрузка...
Сегодня:  Понедельник, 14 Октября, 2019 года

Статьи

Փիլիսոփայելու ամենահարմար ժամանակը

13:07, Понедельник, 16 Сентября, 2019 года
Փիլիսոփայելու ամենահարմար ժամանակը

Փիլիսոփայելու

ամենահարմար ժամանակը

Երեկո՜ն է,

երբ արեգակը մեռնո՜ւմ է,

լույսը՝ կիսամե՜ռ,

մո՜ւթը ծննդկան՝ երկունքի ցավերով,

երբ մարդկանց դեմքերը դառնում են երեկո՜

…փողոցներով քայլում են բազմաթիվ երեկոներ,


    

Տխրելու

ամենահարմար ժամանակը

Ցերե՜կն է,

երբ արեգակը պայթո՜ւմ է ջերմությունից,

Լույսն ապրո՜ւմ իր լավագույն ժամերը,

մո՜ւթ չկա, ցա՜վ չկա,

բնությանը չի՛ տանջում ատամնացավը,

բայց միևնո՜ւյն է

փողոցներով քայլում են բազմաթիվ երեկոներ…


    

Սիրելու

ամենահարմար ժամանակը

Առավո՜տն է՝

լո՜ւյսն արդեն ծնված,

արեգակը՝ մայր, լույսին գուրգուրող,

ի՛նքդ երեկո ու

երեկոների մե՜ջ փնտրում ես երեկո…
Продвижение этого поста

Нравится
0
Не нравится
0
| | |
1076 | 0 | 0
Facebook
COMMENT.am