Ռեֆորմիստների կուսակցության նախագահ Վահան Բաբայանն իր ֆեյսբուքյան էջում գրում է. «Երևանը վաղը կապրի տրանսպորտային կոլապս:
Աղբը և նրա շուրջ ծավալվող քննադատությունները վաղը համալրվելու են ևս մեկ կարևոր խնդրով:
Տրանսպորտային և ճանապարհային բարեփոխումներ այդպես էլ չեղան:
Թավշյա իշխանությունը արդեն տևական ժամանակ չի կարողանում լուծել երկրի և քաղաքի պրիմիտիվ հարցերը, որի շարքում Երևանի տրանսպորտի, խցանումների, տեսախցիկների և կարմիր գծերի հարցերն են: Չնայած Փաշինյանը և քաղաքապետը խոստումներ տվեցին, որ խնդիրները կլուծվեն, բայց «հպարտ» քաղաքացին կրկին տարբեր պոզաներով, անմարդկային պայմաններում է երթևեկում սեփական քաղաքում, տրանսպորտի ոլորտում տիրող խնդիրները, ճանապարհների ծանրաբեռնվածությունը վաղը բերելու են կոլապսի և մեքենա վարող շատ մարդիկ վաղը հիշելու են թավշյա սուտ խոստումները:
Աղբին վաղը ավելանում է խցանված և գերծանրաբեռնված տրանսպորտային տհաճ իրողությունը:
Իսկ պողոսները երևի դեռ նոր մետրոյի կայարանի բացմանն են սպասում»:
