Идет загрузка...
Сегодня:  Среда, 18 Сентября, 2019 года

Статьи

Ամռան սեզոնին հնարավոր հրդեհներից խուսափելու նպատակով իրականացվում են միջոցառումներ

17:00, Вторник, 09 Июля, 2019 года
Ամռան սեզոնին հնարավոր հրդեհներից խուսափելու նպատակով իրականացվում են միջոցառումներ

Ներկայում եղանակային պայմաններից ելնելով՝ կտրուկ բարձրացել է անտառային, անտառամերձ և այլ բուսածածկ տարածքներում առաջացող հրդեհների քանակը:

Արտակարգ իրավիճակների նախարարությունից հայտնում են, որ 2019 թվականի հունիսի 1-ի դրությամբ հրդեհների կանչերի թիվը նախորդ տարվա նույն ժամանակահատվածի համեմատությամբ կրկնակի աճել է: Հրդեհների քանակը և ինտենսիվությունը հուլիս-օգոստոս ամիսներին աճի միտում ունի՝ ելնելով խոտի չորացման, բարձր ջերմային ֆոնի, հովեկների քանակի ավելացման, բերքահավաքի և այլ հանգամանքներից:

Ուստի ԱԻՆ-ը հրդեհների ռիսկերի նվազեցման նպատակով ևս մեկ անգամ հորդորում է բոլոր պատասխանատուներին

• իրականացնել մշտադիտարկումներ և հնարավոր հրդեհների առաջացումը կանխելու նպատակով կատարել հակահրդեհային կանխարգելիչ միջոցառումներ
     • զբոսաշրջային և հանգստի գոտիներում ուժեղացնել հսկողությունը՝ հովեկների կողմից չկանխամտածված հրդեհման դեպքերը կանխելու ուղղությամբ
     • հրդեհավտանգ տարածքներում ստեղծել ջրային և առաջնային հրդեհաշիջման միջոցների պաշարներ:

Հաշվի առնելով ներկայում անտառային, անտառամերձ և այլ բուսածածկ տարածքներում առաջացող հրդեհների քանակը և ռիսկայնությունը՝ Կոտայքի մարզպետ Ռոմանոս Պետրոսյանը մարզի համայնքների ղեկավարներին և ոլորտի պատասխանատուներին առաջարկել է պատշաճ և ժամանակին իրականացնել անհրաժեշտ բոլոր միջոցառումները, համայնքապետարանների աշխատակիցներից և բնակիչներից ստեղծել կամավորական խմբեր, բարձր պատրաստակամության վիճակի բերել անտառտնտեսությունների հրդեհի դեմ պայքարի համար նախատեսված ուժերն ու միջոցները՝ ամռան սեզոնին հրդեհները հնարավորինս բացառելու և/ կամ առնվազն նվազեցնելու նպատակով՝ այդ հարցում հայտնելով նաև իր և մարզպետարանի գործուն աջակցությունը:
    
    
     kotayk.mtad.am

Продвижение этого поста

Нравится
0
Не нравится
0
| | |
1817 | 0 | 0
Facebook
COMMENT.am