Идет загрузка...
Сегодня:  Пятница, 29 Марта, 2024 года

Статьи

Ինձ գի՜րկդ վերցրու…

09:16, Среда, 05 Июня, 2019 года
Ինձ գի՜րկդ վերցրու…
    
    
    
    

Ինձ գի՜րկդ վերցրու,

Տա՜ր ուր պատահի…


    

Պատահի այնպե՜ս՝ դառնամ անտարբե՜ր-

Ծովի այն հեռո՜ւ ալիքի նման,

Որն օրորվո՜ւմ է մի թեթև քամուց,

Ոչ բորբոքվո՜ւմ է,

Ո՛չ էլ դառնանում,

Ո՛չ էլ կախվում է կողքի ալիքի

Փրփուրից անհույս,


    

Ոչ գիտի ի՞նչու և ո՞ւր է գնում,

Ո՛չ ինքը գիտի թե ի՞նչ է ուզում,

Ո՛չ էլ ուրի՜շը,

Որն ափին կանգնած ավազների մեջ

Մեկ հիանո՜ւմ է

Մե՜կ էլ զարմանում:


    

Ինձ գի՜րկդ վերցրու,

Տա՜ր ուր պատահի…


    

Բայց մի՛ մոռացիր-

Հով քամուց բացի կա՛ նաև քամի՜-

Ծովայի՜ն քամի,

Ցասումի դանակը խրած սրտի մեջ,

Ու Աստվա՜ծ չանի

Թե որ կատաղի՜,

Թե որ գազազի՜-

Չգիտես ո՞ւմ կամ

Ի՞նչի վրա…

Մի վայրկյանում օ՛դ կցնդի

Անտարբեր լինելու մարմաջը հիմար:


    

Է՜հ, ի՞նչ լինելու է, թո՛ղ այն էլ լինի՜


    

Ինձ գի՜րկդ վերցրու,

Տա՜ր ուր պատահի…


    
Продвижение этого поста
Статья опубликована в проекте Пресс-секретарь.
Зарегистрируйтесь и опубликуйте свои статьи.
Нравится
0
Не нравится
0
3317 | 0 | 0
Facebook